تفاصيل نجاح إطلاق وتشغيل القمر الصناعي المصري SPNEX
يوم الأربعاء اللي فات 10 ديسمبر وكالة الفضاء المصرية نجحت إنها تطلق قمر صناعي مصري اسمه SPNEX اللي دخل في مداره المخصص وبعت إشاراته الأولى.. فهنقولك تفاصيله!
صناعة القمر الصناعي SPNEX تم إطلاقه ضمن برامج تطوير الأقمار الصناعية من فئة النانو.. ودي بتبقى أقمار صناعية صغيرة وزنها بيقل عن 10 كيلو جرام.. والأقمار النانوية مرنة أكتر وتكلفتها أقل ويمكن إطلاقها بأعداد كبيرة في وقت واحد.. فالباحثين يقدروا ينفذوا مهمات علمية كتيرة وكبيرة
القمر الصناعي المصري تطور بتعاون بين وكالة الفضاء المصرية وأكاديمية البحث العلمي والتكنولوجيا من بداية سنة 2022.. وكل عمليات التجميع والتكامل والاختبار حصلت في مركز AIT التابع للوكالة بالمدينة الفضائية المصرية
- القمر الصناعي ده اتصمم عشان يقيس خصائص البلازما في طبقات الأيونوسفير.. ودي هي الطبقة العليا من الغلاف الجوي وليها دور كبير إنها تنشر موجات الاتصالات وتحدد دقة أنظمة الملاحة
- تحقيق مهام القمر الصناعي ده اللي ذكرناها فوق هتخلي فيه فرصة للجامعات ومراكز البحث المصرية إنهم يبنوا قاعدة علمية يعتمدوا عليها بدل ما يفضلوا يعتمدوا على البيانات الخارجية بشكل كامل
- بيساعد كمان في تأهيل كوادر بشرية متخصصة في هندسة الفضاء والتحكم الأرضي وتحليل البيانات
وفي الآخر تطوير القمر الصناعي المصري ده بيأكد على كفاءة مصر إنها تنفذ منظومة فضائية متكاملة من بداية التصميم والتصنيع لحد عمليات التجميع والتكامل والاختبار والتشغيل الفعلي في المدار.. وبيانات القمر الصناعي هتُتاح قريب للباحثين في الجامعات والمراكز البحثية المصرية
