رحيل مؤسس الإعلام الرياضي في الإذاعة المصرية “فهمي عمر”

امبارح الأربعاء 25 فبراير 2026 رحل “فهمي عمر” عن عمر يناهز 98 عامًا.. واللي اتشهر بلقب “شيخ الإذاعيين” و”صوت الراديو” وكمان مؤسس الإعلام الرياضي في الإذاعة المصرية

بدايته في الإذاعة

دخل عالم الإذاعة المصرية في 1950 بعد ما عمل الاختبارات الخاصة بالقبول وبعدها بدأ كمذيع خارج الميكروفون.. خد وقت عشان يتخطى فكرة اللهجة الصعيدية اللي نشأ عليها وعشان يقدر يتقن اللهجة المصرية الكلاسيكية واللي نجح إنه يعمله عشان مع الوقت يبقى من أكتر الناس تأثيرًا في الإذاعة المصرية

أهم ما يميزه:

1- تأسيس الإعلام الرياضي بالإذاعة المصرية

في الخمسينيات كان أول واحد يقدم برنامج رياضي في الإذاعة المصرية وساعتها عمل تغطية لبطولات كتير وده اللي خلاه تقريبًا صوت الرياضة وقتها ومؤسسها في الإذاعة

2- تميزه وقت الثورة

مش بس الرياضة.. يعتبر “فهمي عمر” من رواد الإذاعة بشكل عام وأحد الأعمدة لأنه كان مذيعًا لثورة 1952 حسب رئاسة الوزراء وله دور بارز في تأسيس قواعد مهنية في الإذاعة 

وأخيرًا إحنا فقدنا شخص مهم للإذاعة عمومًا لأنه كمان ساهم تربية وتعليم أجيال كتير ورا بعض من المذيعين ومن إنجازاته إنه مسك رئاسة الإذاعة المصرية من 1982 لحد ما تقاعد في 1988.. لكنه رحل وساب وراه إرث كبير للإذاعة سواء الرياضية أو الإذاعة بشكل عام.