في شهر التوعية بالأمراض المناعية.. محتاج تفكر المُصابين بإيه وتساعدهم إزاي؟
في شهر التوعية بالأمراض المناعية.. كتير بيعاني منها ومظهرهم الخارجي يبان طبيعي تمامًا بس جواهم حرب بين مناعتهم وجسمهم بيرهقهم ومغير أسلوب حياتهم.. ولو حد من أهلك أو صحابك مُصاب بيها لا قدر الله بيبقى نفسك تخفف عنه وتساعده بس مش عارف تدعمه نفسيًا كده إزاي.. فهنقولك حسب كل مرض مناعي إيه الحاجات اللي محتاج تحميه منها
محتاج تفكره إن:
- أشعة الشمس: أكتر محفز لمرضه ده تحديدًا لأنها بتتلف خلايا الجلد ومناعته مابتقدرش تتخلص من الخلايا التالفة بشكل صح.. وده بيستفز المناعة لمهاجمته.. فبيحصله طفح جلدي في جسمه ووشه
- المكملات والفيتامينات: ماياخودهاش بشكل عشوائي عشان مناعته لما بتقوى بتهاجمه خاصة الثوم
- الفيروسات والعدوى: لأن المناعة مابتحاربهاش لوحدها وبتعمل هجمات ضد جسمه كمان
- الصيام: هيكون ضده.. خاصة لو المرض نشط أو فيه فقر دم واعتلال كلوي
بلاش تطبخ له أطعمة معينة بتهيج القولون:
- منتجات الألبان: لأن بيبقى عندهم حساسية من اللاكتوز الموجود فيها.. وبيبقى صعب عليهم هضمه.. فجيب له حليب لوز أو صويا أو اللبن الخالي من اللاكتوز
- الكافيين: الموجود في الشوكولاتة ومشروبات الطاقة والقهوة.. وخليه يشرب مياه كتير عشان يحافظ على توازن المياه في جسمه
- الخضروات النية.. المكسرات.. الوجبات المقلية والدهنية وده لأنها صعب تتهضم وبتزود شدة الأعراض.. استبدلها بالفواكه المتقشرة والخضروات المطبوخة وصدور الفراخ في الفرن أو بالبخار
- الأطعمة الحارة زي الشطة والفلفل.. عشان بتزود حدة الإسهال وبتهيج الجهاز الهضمي.. وحط بدالها ريحان أو زعتر
- الصودا: عشان بتنفخله المعدة والأمعاء.. فممكن تجيبله أي أعشاب دافية
- ابعده عن الأكلات اللي بتزود السمنة وبتأثر على مفاصله.. زي:
- اللحوم الحمراء.. السكر والدقيق.. الأكل المقلي.. الأكل المليان بالجلوتين زي القمح والشعير
- استبدل اللحوم الحمراء بالسمك.. وبدل ما تقلي في الزيت اقليه في الـ Airfryer.. والأكل المخبوز بدل المقلي
- حاول تتمشى معاه الصبح بدري وتعملوا رياضة خفيفة زي السباحة مثلًا عشان قلة الحركة مضرة لمفاصله
- الحرارة العالية سواء بسبب الشمس أو درجة حرارة الأوضة بتزود الهجمات.. ففكره بواقي شمس أو تخلي درجة حرارة الأوضة اللي هو فيها مناسبة
- فكره يعمل تحاليل فيتامين “د” من وقت للتاني.. لأنه لازم يحافظ على مستويات الفيتامينات والمعادن في جسمه
- مينفعش يسهر.. فلازم يبقى عنده ساعة بيولوجية مستقرة
اتكلمنا عن نصايح صحية تفكره بيها.. فده وقت:
الدعم النفسي لمصابي الأمراض المناعية
- خليك مستمع جيد: ساعات كتير بيحتاجوا يعبروا عن تُقل تعبه.. من غير ما تعمل دكتور.. هو ماشي على بروتوكول علاج.. هو عايز حد بس يسمعه
- احترم خصوصيته: لو اعتذر عن مناسبة في آخر لحظة هو مش قليل الذوق.. هي طاقة جسمه خلصت مش أكتر
- وصلهم إنك حاسس بتعبهم وماتتجاهلش إرهاقهم.. كلمة “أنا مصدقك” هتفرق لشخص أُرهق من شرح تعب مش واضح لحد حواليه
- فكرهم بمواعيد أدويتهم.. ومن وقت للتاني اسأل عن حالتهم وهما حاسين إيه
في الآخر أصحاب الأمراض المناعية محتاجين يبعدوا عن التوتر ويحسوا بالأمان.. لأن هما بالفعل في حرب بين مناعتهم وجسمهم.. فحاول تفهمهم وتبقى جنبهم.. هم محتاجين لك مهما بينوا عكس ده!
