حكاية الإعلان اللي جمع الأجيال
معروف إن رمضان هو موسم الإعلانات.. ومن ضمن الإعلانات اللي نزلت ولفتت نظر ناس كتير كان إعلان شركة “مدينة نصر للإسكان والتعمير” MNHD واللي بتعتبر من أوائل شركات التطوير العقاري في مصر وتم إنشائها سنة 1959 يعني بقالها حوالي 63 سنة.
وده كان السبب ورا فكرة الإعلان وهو تجميع الأجيال أو زي الشعار بتاعهم “بنبني لكل جيل”
وده كان من خلال تجميع فنانين من 3 أجيال مختلفة زي “سيمون وهشام عباس وحميد الشاعري” وبالمناسبة دي محتاجين نرجع نشوف ونسمع سيمون كتير الفترة الجاية.
وبعدين أحمد السقا وهند صبري.. واللي أول ما شوفناهم افتكرنا حورية وأبراهيم الأبيض، ومنصور الحفني وكريمة
وبعدين جيل الشباب زي ليلى أحمد زاهر وأبو الأنوار
الإعلان بيقول إنه صحيح كل جيل ليه ذكرياته عن رمضان وطقوسه والحاجات اللي شبهه وشبه الوقت بتاعه، وبيفكرنا بحاجات في مننا شافها ووحشته وفي مننا اللي محضرهاش وكان نفسه يعيشها زي الفوازير وبرنامج الكاميرة الخفية وبكار وغيرهم كتير وحاجات لسه كمان هنشوفها وهنعيشها ،بس دايمًا رمضان جميل في كل جيل وعند أي حد .. ودايمًا هو الفرصة اللي بتجمع الناس كلها من كل الأجيال.
