بلاي ليست لنجوم ستار أكاديمي بعد السنين ما عدت
في الفترة الزمنية اللي القنوات الفضائية دخلت فيها أغلب البيوت المصرية انتشرت برامج مسابقات الغناء زي مثلا برنامج ستار ميكر وستار أكاديمي وإكس فاكتور وذا فويس وغيرهم كتير من برامج للمسابقات الغنائية الناس تابعتها وحبيتها وكانوا بيصوتوا للمشاركين فيها كمان بكل حب.
يمكن برنامج ستار أكاديمي كان من أكتر البرامج اللي شدت الناس ليها خصوصا إنه كان من أول البرامج اللي نفذت فكرة المسابقات دي في الوطن العربي غير إنهم كانوا بيجمعوا المتسابقين من كل بلاد الوطن العربي في مكان واحد وهو الأكاديمية وبيعيشوا سوا فيه وبيبقى فيه بينهم أحداث سواء كانت خناقات أو علاقات.. وفوق كده كانوا بيتعلموا مهارات للغنا والتمثيل.. وكل أسبوع كان فيه 3 طلاب بيطلعوا “نوميني” على أساس أداءهم في الاختبارات الأسبوعية قدام الأساتذة، والـ 3 طلاب دول فيه واحد منهم بس اللي بيخرج من المسابقة خالص على أساس تصويت الجمهور في البرايمز الأسبوعية.
ستار أكاديمي كان تقريبا 11 موسم، وكان فيه قناة مخصوص للبرنامج كان اسمها 24/7 القناة كانت بتعرض حياتهم جوا الأكاديمية طول الوقت حتى كمان وهما نايمين، ومن أهم الشخصيات اللي في البرنامج اللي فضلت من الموسم الأول لحد الموسم الـ 11 مقدمة البرنامج هيلدا خليفة، كانت بتقدم حفلات البرايمز واليوميات الحلقات اليومية للبرنامج اللي كانت بتيجي كل يوم على قناة الـ “إل بي سي” الساعة 7 بتوقيت القاهرة، وآخر 3 مواسم من ستار أكاديمي كانت بتتعرض على قناتين “سي بي سي” و “إل بي سي”.
ستار أكاديمي كان إنتاج “رولا سعد”، ومن أشهر المدرسين اللي كانوا بيدرسوا للطلاب في الأكاديمية هما وديع أبو رعد، وميشيل فاضل، وفؤاد فاضل، وماري محفوض، وأليسار كركلا، وخليل أبو عبيد.
فيه نجوم كتير طلعوا من ستار أكاديمي ومن كذا موسم مش موسم واحد بس، فيه منهم اللي كمل في الفن سواء غناء أو تمثيل أو تقديم برامج أو حتى اتشهر على السوشيال ميديا بس، وفيه منهم اللي ماكملش في المجال خالص واختفى بعد شوية شهرة، ومنهم اللي اختفى بعد ما خرج من ستار أكاديمي من غير أعمال أصلا.. بس اللي كملوا منهم في الغنا عملنالهم بلاي ليست سريعة تفكرنا بيهم.
1- محمد عطية- طنش:
2- زيزي عادل- واحدة تانية:
3- زيزي عادل- حب مش محسوب عليا:
4- لارا اسكندر- الطابور:
5- لارا اسكندر- بلدنا الحلوة:
6- نسمة محجوب- الحب المستحيل:
7- نسمة محجوب- موكب المومياوات:
8- جوزيف عطية- تعب الشوق:
9- جوزيف عطية- لا تروحي:
10- محمد قماح- أنا مش نجيب ساويرس:
11- محمد قماح- ويلي:
12- شذى حسون- روح:
13- شذى حسون- شاعلها:
14- صوفيا المريخ- بحب فيك:
15- سعد رمضان- أنت وأنا:
16- سعد رمضان- خلص الوقت:
17- بسمة بوسيل- كفياك أعذار:
18- نصيف زيتون- وصلك خبر:
19- نصيف زيتون- أزمة ثقة:
20- فادي اندراوس- هيدا مش أنا:
