3 خطوات من أمازون عشان تكبر شغلك وتوصل لأكبر عدد من العملاء

لو أنت رائد أعمال أو تاجر أو صاحب مشروع صغير أو متوسط أكيد دماغك مشغولة طول الوقت بالتفكير في إزاي تحسن من البيزنس بتاعك، وإزاي تكبّر شغلك، وتزود مبيعاتك، وتنجح أكتر في البيزنس، وتوصل لأكبر عدد من العملاء اللي بتستهدفهم.

وعشان كده أمازون مصر بتقدم لكل رواد الأعمال والتجار وأصحاب المشاريع الصغيرة والمتوسطة 3 خطوات رئيسية عشان تقدر توّسع أعمالك وتنجح فيها وتوصل لأكبر عدد من العملاء على موقعها (Amazon.eg)

1- سجل حسابك كبائع على أمازون مصر (Amazon.eg):

أول خطوة هي إنك تسجل حسابك كبائع، وهتحتاج تعمل Upload لشوية معلومات ومستندات على sellercentral.amazon.eg. زي:

• بطاقة الرقم القومي / إقامة سارية لصاحب العمل أو ممثل الشركة
• عنوان البريد الإلكتروني
• رقم الموبايل
• رقم التسجيل الضريبي في مصر مع نسخة من البطاقة الضريبية/شهادة تسجيل ضريبة القيمة المضافة: ودي بيتم تقديمها خلال 90 يوم من التسجيل على أمازون مصر.
• في حالة التسجيل كشركة: هتحتاج تقدم السجل التجاري، واللي لازم يكون فيه اسمك كمالك أو مدير  (ولو كنت ممثل للشركة لازم يبقى فيه تفويض رسمي مع السجل التجاري PDF.

2- بيع منتجك الأول على Amazon.eg:

تاني خطوة هي انك تبدأ تبيع أول منتج ليك على أمازون، وده بيحصل عن طريق خطوات سهلة جدا.

أمازون مصر بيسمح ببيع أكتر من 30 فئة من المنتجات، وده بيسمح للعملاء بحرية واسعة للاختيار من مجموعة كبيرة وواسعة من المنتجات المختلفة، بما فيها مستلزمات المطبخ ومستحضرات التجميل والملابس والصحة والرياضة والإلكترونيات والبقالة ومنتجات الأطفال وفئات تانية كتير.

ممكن تدرج المنتجات لأول مرة على Amazon.eg بسهولة جدا، وفيه أكتر من طريقة، زي انك ممكن تدرج المنتج بتاعك مع منتج موجود فعلا (لو فيه حد تاني بيبيع نفس المنتج)، أو تعمل “إدراج جديد” للمنتج (لو انت البائع الأول أو الوحيد للمنتج ده):

• منتج مدرج بالفعل: لو المنتج بتاعك متطابق مع منتج موجود بالفعل على أمازون، فانت مش هتحتاج توفر رقم تجارة عالمي للمنتج (UPC) لأنه هيكون كده كده موجود في المتجر.

• منتج جديد: لو حابب تضيف منتج جديد على أمازون، هتحتاج توفر رقم تجارة عالمي للمنتج (UPC) أو طلب إعفاء من أمازون، لو المنتج مش متضمن الرقم ده، وهتحتاج كمان توفر وحدة حفظ المخزون (SKU)، واسم المنتج، ووصفه، والصور، ومصطلحات البحث والكلمات الرئيسية الـ related بالمنتج، عشان تقدر بسهولة توصل للعملاء المستهدفين وتزود فرص ظهور منتجك للعملاء.
• وآخر حاجة انك ممكن تدرج منتجات كتير على دفعات كبيرة عن طريق انك تستخدم “التحميل المجمع”.

3- توصيل منتجاتك للعملاء:

تالت خطوة والأخيرة هي انك توصل منتجاتك للعملاء، وأمازون بتضمن لك توصيل منتجاتك للعملاء بطريقة سهلة ومريحة، وعندهم أكتر من طريقة للشحن على حسب احتياجات شغلك وأهدافك.

• خدمة شحن من أمازون (Fulfillment by Amazon- FBA): لو انت صاحب بيزنيس وعايز تقضي وقت أكتر في ابتكار منتجاتك وتوسيع أعمالك، فخدمة الشحن من أمازون هي أفضل حاجة تناسبك.

عن طريق خدمة FBA للبائعين: بتبعت منتجاتك لمخزن أمازون، وبعد كده أمازون بتعمل كل حاجة، تخزين وتعبئة وشحن منتجاتك للعملاء بشكل أسرع وخصوصا في الفترات الزحمة زي الجمعة البيضاء.

وكمان عن طريق الخدمة منتجاتك بتبقى مؤهلة لبرنامج (أمازون برايم)، وده بيوفر لأعضاء برايم التوصيل المجاني خلال يوم واحد من غير حد أدنى من المشتريات.

وأمازون كمان بتوفر خدمة العملاء والتعامل مع المرتجعات.

• شبكة أمازون من شركاء الشحن: لو انت حابب تقوم بدور التخزين والتغليف الخاص بيك، فممكن تختار نموذج “شبكة أمازون من شركاء الشحن”، وتدرج منتجاتك على أمازون ويبقى عندك الفرصة إنك تخزن منتجاتك وأمازون هتوصل منتجاتك للعملاء.

وبكده تقدر تستفيد من الخطوات دي على قد ما تقدر في إنك تكبر شغلك، وتحسن من جودة منتجاتك، وتوسع أعمالك، وأخيرا توصل لأكبر عدد من العملاء وتزود مبيعاتك، وكل ده أمازون هتساعدك فيه.

لو عايز تعرف معلومات أكتر عن إزاي تبدأ مشروعك الخاص كبائع على أمازون مصر (Amazon.eg)، ادخل على: sell.amazon.eg