اكتشاف أول مدينة سكنية كاملة من العصر الروماني في شرق الأقصر

أعلنت وزارة السياحة والآثار المصرية النهاردة الثلاثاء اكتشاف أول مدينة سكنية كاملة في البر الشرقي لمدينة الأقصر في جنوب مصر والمدينة بتعود للعصر الروماني اللي كان من سنة 30 قبل الميلاد لسنة 395 ميلاديا

وقالت الوزارة في بيان على صفحتها الرسمية على الفيسبوك إن بعثة أثرية مصرية برئاسة الأمين العام للمجلس الأعلى للآثار الدكتور مصطفى وزيري نجحت في اكتشاف مدينة سكنية كاملة من العصر الروماني وده أثناء أعمال الحفائر الأثرية بمنطقة “بيت يسي أندراوس” المتاخم لمعبد الأقصر في البر الشرقي لمدينة الأقصر.

وأكد الدكتور مصطفى وزيري على أهمية الاكتشاف ده اللي أظهر أهم وأقدم مدينة سكنية في البر الشرقي بمحافظة الأقصر واللي تعتبر امتداد لمدينة طيبة القديمة.

ووفقًا للأمين العام للمجلس الأعلى للآثار فالبعثة عثرت خلال أعمال الحفر الأثري على “عدد من المباني السكنية وبرجين للحمام من القرن الثاني والقرن الثالث الميلادي وورش صناعة، وصهر معادن جواها عدد من الأواني وقوارير المياه والزمزميات ومسارج فخارية وأدوات طحن وعملات رومانية من النحاس والبرونز كمان.

وأضاف وزيري إن البعثة هتكمل أعمال الحفائر في الموقع واللي ممكن تفتحلهم الباب عن الكشف على أسرار أكتر في المدينة دي.

ووضح مدير عام آثار مصر العليا الدكتور فتحي ياسين إنه لقي جوا برجين الحمام اللي تم اكتشافهم أواني فخارية كتير وكانت بيتم استخدامها أعشاش للحمام، واللي وضحت الدراسات الأولية إنه بدأ استخدامها بالشكل ده بداية من العصر الروماني.

وصرح ياسين في تصريحاته لبعض وكالات الأنباء إن أهمية الكشف ده بترجع لإنه الأول من نوعه وإنها أول مدينة وأول تجمع سكنى يتم العثور عليها  فى البر الشرقى للأقصر وأضاف إنه هيتم دراسة وفحص الكشف كويس جدا لتحديد الفترة الزمنية بتاعته.. وإن الكشف الأثري ده هيتعمله دراسة عميقة عشان يتم الكشف عن معلومات وأسرار أكتر عن الحياة اليومية للمصرى القديم في العصر الرومانىة خصوصا إن المدينة السكنية تم اكتشافها بصورة كاملة لأول مرةز

وكمل وقال إن الاكتشافات المهمة دي بتبقى سبب كبير في زيادة حركة السياحة الوافدة لمصر وللأقصر بشكل خاص وتطوير صناعة السياحة فيهم.

والجدير بالذكر إن البعثة في سبتمبر 2022 كانت عثرت أثناء مواسم حفرها اللي قبل كده في منطقة بيت أندراوس على عدد من الأمفورات والمسارج من العصر البيزنطي، وكمان مجموعة من العملات البرونزية الرومانية وجزء من جدار من العصر الروماني ومخزن قديم وعدد من الأيقونات الأثرية بترجع لحقب تاريخية مختلفة.