هل الحيوانات بتشعر بالزلازل قبل حدوثها؟

انتشر فيديو يقال إنه لكلب بينبح قبل وقوع الزلزال المدمر في تركيا قبل 3 أيام وراح ضحيته عشرات الآلاف.. فا هل الكلب كان بيبنبح عادي ولا شعر بالزلزال قبل وقوعه؟

هيئة المسح الجيولوجي الأمريكي بتقول إن موجات الزلزال بتكون نوعين، موجات أولية “P” وموجات ثانوية “S”، الأولى اللي بتيجي من مركز الزلزال وبتنتقل في مسافة أميال في ثواني معدودة والموجات الأولية دي اللي بتشعر الحيوانات بيها قبل وقوع الهزة وقبل حتى ما توصل الموجة “S” واللي بتهز الأرض

وفي دراسة برضه عملها الباحث مارتن ويكيلسكي مدير معهد “ماكس بلانك” لسلوك الحيوان، قاموا بوضع أجهزة إلكترونية على أبقار وأغنام في مزرعة إيطالية لمراقبة تحركاتهم على مدار شهور لما اكتشفوا الزلازل في مكان قريب

وجدوا إن الحيوانات كانت نشيطة جدا وبشكل غير عادي بعد ما كانت بتتحرك باستمرار لأكتر من ساعة وربع وقبل ما يكتشفوا 7 من 8 زلال في مكان قريب.

والدراسة اقترحت إن الحيوانات ممكن تكون قادرة تكتشف الزلازل المحتملة قبل ما الإنسان يحس بيها بـ 12 ساعة ولكن السبب وليه؟ محدش يعرف

وبحسب صحيفة واشنطن بوست، فا موضوع تنبؤ الحيوانات بالزلازل بيرجع لقبل الميلاد، لما رواية منسوبة للكاتب الروماني “إيليان” اتكلمت عن هروب الحشرات والفئران والثعابين والخنافس من مدينة هيليك قبل ما يدمرها زلزال وتسونامي سنة 373 قبل الميلاد