موضوع مايهمكش: 10 حقائق ماتعرفهاش عن السبانخ

النهاردة يوم السبانخ.. وهي نبات أخضر يشبه الورد..  بتحبها الأمهات المصرية وبينصحو بيها..  لأنها مليانة عناصر غذائية مفيدة زي الحديد والماغنسيوم وفيتامين C.. ودي الحاجات اللي نعرفها عنه.. لكن حبينا نقولك 10 حقائق ماتعرفهاش عنها: حسب موقع factcity

•السبانخ بيسميها الصينيين “الأخضر الفارسي” وده نسبة لأصولها في بلاد فارس (إيران)

•السبانخ دخلت الصين في القرن السابع .. وأوروبا في القرن الثاني عشر .. والولايات المتحدة في القرن التاسع عشر

•يفضل أكل السبانخ فريش.. لأنها بتفقد قيمتها الغذائية بالوقت

•كارتون باباي زود بيع السبانخ في أمريكا وفي العالم وده خلى بلدة كريستال سيتي في ولاية تكساس عملتله تمثال سنة 1937

•أفضل وقت لزراعة السبانخ في أجواء الربيع أو الخريف

•فنانين العصور الوسطى استخرجوا صبغة خضراء من السبانخ عشان يستخدموها في الحبر للكتابة أو مواد الطلاء

•الصين أكبر منتج للسبانخ بنسبة 92% من إنتاج العالم

•الوجبات المصنوعة من السبانخ بيطلق عليها اسم “فلورنتين” تكريماً لمكان ولادة كاثرين دي ميديتشي اللي أصلها من فلورنسا بإيطالية اللي اتجوزت الملك هنري الثاني وحكمت فرنسا بعد ولادها الثلاثة وكانت حريصة على وجود السبانخ في كل الوجبات

•السبانخ طولها يتراوح من 2-30 سم

•السبانخ ليها أكتر من طريقة غير الطبخ بالصلصة .. يعني ممكن تكون مع جبنة جوه فطيرة أو في صوص الباستا مع قطع فراخ أو تتعمل لازنيا أو شوربة كريمة بالسبانخ أو أومليت… إلخ