اعرف إزاي الألوان بتأثر على حياتنا!
في مقال لموقع Web MD بيتكلم فيه عن سيطرة الألوان على عالمنا وإن كل لون له طاقة وبيأثر على حالتنا المزاجية وعلى تصرافتنا وبيتحكم في شهيتنا
وبيشرح كمان إزاي ممكن ألوان لبسك والألوان حواليك بتأثر على تحسين حالتنا الصحية وتدخل في عالجنا ومنها:
- الأحمر: بينشط ويزيد الشهية
- البرتقالي: بيحسن المزاج ووظيفة الغدة الدرقية
- الأصفر: بيزيد التركيز ومشاعر السعادة والتفاؤل
- الأخضر: بيساعد على التهدئة
- الأزرق: بيساعد على النوم
- النيلي: بيعزز الصحة العقلية
- البنفسجي: يساعد في التأمل والإلهام وينقذ من مشاكل الغدد الصماء المحتملة
- الأبيض: بيزود شعور الراحة النفسية لأنه بيعبر عن النقاء والكمال
وبالتالي الألوان ممكن تأثر في كتير من جوانب حياتنا: - الذاكرة: استخدام الألوان بشكل عام وتعليم المعلومات المهمة بيساعد الذاكرة في استرجاع المعومات دي بسهولة
- العلاقات: لون الحوائط في بيتك سواء كانت وردي أو أخضر أو أبيض بيساعد على زيادة مشاعر السعادة وبينعكس ده على حالة الأشخاص الموجودين في البيت
- النوم والساعة البيولوجية: اكتشفت دراسات إن اللون الأزرق وخصوصا قبل النوم بيحسن من وضع الساعة البيولوجية وبيعيد ضبطها لو خرجت عن السيطرة
- القدرات الإبداعية: اللون الأخضر بيساعد الدماغ في زيادة قدراتها الإبداعية والتفكير بشكل أفضل لأنه بيحسن الحالة المزاجية للشخص
- ردود الفعل: اللون الأحمر العقل بيترجمه إنه شئ خطر وبالتالي ممكن يزود رد الفعل وده ممكن نشوفه في المطاعم عشان فتح الشهية أو في صالات الجيم يساعدنا نشيل أحمال أفضل مقارنة بالألوان التانية
- تخفيف الصداع النصفي: بينصحنا الموقع لو حسينا بصداع نصفي نبعد عن الأزرق والأحمر ونحاول نتعرض للأخضر لأنه هيساعدنا على الاسترخاء
