اعرف إيه هو موقع “الهيروغليفية خطوة بخطوة” اللي عملته مكتبة الإسكندرية

النهاردة أعلن موقع” مكتبة الإسكندرية” عن مفاجئة حلوة لمحبي اللغة الهيروغليفية واللي نفسهم يتعلموها وهو إطلاق الموقع الإلكتروني “الهيروغليفية خطوة بخطوة”.. وتم إطلاقه من خلال مركز دراسات الخطوط وهو بيعتبر أول موقع إلكتروني تفاعلي لتعليم اللغة المصرية القديمة ومن مميزاته إنه بيحتوي على لغتين هما: العربية والإنجليزية..

والموقع  كمان بيستهدف طلبة الجامعات والهواة والمهتمين باللغة المصرية القديمة  وغرضه نشر المعرفة باللغة المصرية القديمة لكل المهتمين بيها..

وقالت المكتبة إن الموقع تم إطلاق المرحلة الأولى منه سنة 2015م
وهو بيعتبر مشروع طويل الأمد وهدفه إنه يقدم علم بشكل مستمر
من خلال الدروس التعليمية اللي بيقدمها والاختبارات الموجودة فيه وبيقدم عدد من الكلمات في القاموس أو نماذج من القطع
الأثرية ومعناها .. وهتلاقي كمان نماذج من أجزاء جسم الإنسان وتتعرف على الطيور والثدييات والحيوانات وغيرهم..

:وده لينك الموقع للمهتمين يجربوه
https://www.bibalex.org/learnhieroglyphs