8 حاجات ماتعرفهاش عن اللون البنفسجي

اللون البنفسجي لون مميز ومعروف عنه إنه لون ملكي وكمان بيقولوا إنه من الألوان اللي بتوحي بالحكمة والإبداع.. عشان كده في الموضوع ده هنقولكوا حاجات ماتعرفوهاش عنه وفقا لموقع verywellmind و موقع العربية

1-اللون البنفسجي يعتبر لون ملكي وبيدل على الثراء كمان وده بيرجع للتكلفة العالية للصبغة البنفسجية اللي كان بيتم استخدامها زمان وكمان بسبب ندرتها.

2-سنة 1200 قبل الميلاد بدأت مدينة صور في فينيقيا القديمة تنتج صبغة بنفسجية عن طريق ضغط أصداف الحلزون البحري وكان بيتم إنتاج اللون البنفسجي منه  وتم ذكره في كتابات هوميروس الإلياذة والأوديسة.

3-كمان يقال إن الإسكندر الأكبر وملوك مصر  كانوا بيلبسوا الملابس الملونة باللون البنفسجي.

4-كمان اللون البنفسجي مكانش بيستخدم زمان في صناعة الإعلام بسبب تكلفته العالية وصعوبة تصنيعه فكانوا بيلجأوا للألوان اللي من السهل الطبقة العادية تتعرف عليها في حياتها وكمان عشان يقدروا يتحملوا تكلفة صناعته.

5-اللون البنفسجي مرتبط بمعاني كتير حلوة زي (الإبداع-الإلهام-الإبتكار-الملكية-الحكمة والروحانية-الأنوثة).

6-في الولايات المتحدة بيستخدموا وسام القلب البنفسجي من بين أعلى الأوسمة في أداء الخدمة العسكرية واللي اسمه في الأصل وسام الاستحقاق العسكري لأنه رمز للشجاعة.

7-اللون البنفسجي يعتبر لون فريد وغريب  لأنه مش موجود في الطبيعة عشان كده في الأغلب بيتم تصنيعه.

8-اللون البنفسجي من أصعب الألوان في التمييز بسبب قوة طوله الموجي اللي على بعد من الأطوال الموجية للأشعة السينية وأشعة جاما.. وعشان كده بيتم استخدامه في الأوهام البصرية.

ولو عجبك الموضوع وعايز تعرف أكتر عن عالم الألوان تقدر تشوف الموضوع من اللينك ده