ترشيحات لمسلسلات عن العائلة
بعد السباق الرمضاني بتلاقي نفسك عندك فراغ درامي ونفسك تتابع أي مسلسل أو حاجة تسحلك ومهما سألت الناس محدش بيديك اقتراح موفق.. فحبينا نسهلها عليك ولو إنت من الناس اللي مهتمة بالمسلسلات اللي بتتكلم عن “العائلة” أو بتحكي قصة العيلة جمعنالكم شوية مسلسلات بتتكلم عنها وإن ليه “Family comes first”؟.. وكمان إزاي الترابط بيخليها أقوى وأحسن.. حتى لو هم عصابة أو تجار مخدرات!
1- The Sopranos
راجل مافيا أمريكي من أصل إيطالي “توني سوبرانو”.. المسلسل بيعرض الصعوبات اللي بيواجها توني عشان يوازن بين بيته والمنظمة اللي هو رئيسها واللي رئاستها كمان بين العيلة بتاعته.. وأهم ميزة فيه هو لجوءه لدكتورة نفسية تساعده إزاي يتعامل سواء مع عيلته وبيته أو عيلته الكبيرة اللي هي العصابة
2- Breaking Bad
مدرس كيمياء بيستعين بطالب كان عنده في الفصل عشان يطبخ “ميث” ويدخل وسط عالم المخدرات بيع وشراء وكمان بيدّعي إنه بيعمل فلوس عشان أسرته
3- Better Call Saul
مشتق من بريكنج باد.. محامي بيدخل في مغامرات كتير قبل ما يقابل والتر وايت مدرس الكيمياء “طباخ الميث” ويدخل في مشاكل مع عصابات واللي منها عيلة سالامانكا واللي برضه بتهتم بشكل كبير بالعيلة وترابطها
4- Succession
بتدور أحداثه حوالين عيلة “روي” عندها شركة إعلام كبيرة وفي خلافات بينهم وكمان صراعات داخلية بسبب طموحات كل واحد فيهم الخاصة
5- Peaky Blinders
أحداثه في بداية القرن العشرين بيتكلم عن عيلة إجرامية وزعيمها هو توماس شيلبي والتحديات اللي بتقابلهم
6- Vikings
قصص الفايكنج في العصور الوسطى والحروب اللي دارت بينهم والتجارة والاكتشافات وشخصيته الأساسية هي “راجنار لوثبروك” اللي عنده عيلة كبيرة وبيكبر ويلاقي نفسه ملك القبائل كلها وبيقابله صعوبات هو وولاده
7- Game of Thrones
مسلسل خيال بيتكلم عن 7 عائلات بتتصارع على أرض “ويستروس” والعرش بجيوش ومكائد سياسية عشان يوصلوا
8- Narcos
العصابات والجريمة وملك تجارة الكوكايين بابلو إسكوبار وإزاي كان بيوسع نشاطه في التجارة ويهرب وفي نفس الوقت يحافظ على بيته
9- This Is Us
الأحداث بتدور حوالين عيلة “Pearson” اللي عبارة عن زوجين واللي معاهم 3 توائم وبيكشف المسلسل قصة العيلة عبر السنين وبيوضح الرابط العميق بينهم برغم كل التحديات اللي بيقابلوها
10- Modern Family
أب لعيلة غير تقليدية اتجوز واحدة تانية أصغر منه في السن وحلوه وبيحاول يواكب معاها حياتها اللي مختلفة عنه هي وابنها والمشكلة الكبيرة بتحصل لما يحصل صراع حضارات وسوء فهم بين أفراد العيلة الكبيرة
11- Prison Break
راجل بريء اتحكم عليه بالإعدام وأمله الوحيد في أخوه الصغير اللي بيفتعل جريمة عشان يدخل السجن ويحط خطة عشان يهربوا وبياخد معاه شوية من المدنيين التانيين في السجن وبيقابلهم مشاكل أكتر
12- Ozark
مسلسل عن المافيا والعصابات.. أحداثه عن مخطط مالي في شركة اسمه “مارتي” بيضطر ينقل هو وأسرته لمنتجع على هضبة أوزارك بعد غلطة في خطة غسيل أموال عشان يتورط هو وعيلته مع عصابة إجرامية وبيشوفوا هيتعاملوا إزاي
قولنا شوفت منهم إيه وأكتر حاجة عجبتك..
