موضوع مايهمكش: 10 حقائق ماتعرفهاش عن الأنانس
النهاردة يوم الأناناس.. الفاكهة المظلومة اللي بنقول
اسمها على الشمام.. مع إنها مختلفة عنه خالص يعني مثلا هي شتوية
وطعمها ولونها وعصيرها مختلفين.. حتى شكلها حمادة وشكل الشمام حمادة تاني خالص زي الصورة كده..
فاحنا قولنا كفاية ظلم بقى للأناناس وجمعنالكم 10 حقائق ماتعرفهاش عنه:
- الأناناس بيستغرق من 2-3 أعوام عشان ينضج.. وشجرة الأناناس بتنتج ثمرة واحدة بس كل سنة
- يحتوي الأناناس على مجموعة من الإنزيمات اللي بتساعد على الهضم وتحليل البروتينات اسمها “البروميلين” ونسبة عالية من فيتامين C والمنجنيز
- تمت زراعة الأناناس لأول مرة في أمريكا الجنوبية وبعدها قدمه كريستوفر كولومبوس إلى أوروبا
- تتم زراعة غالبية الأناناس في أمريكا اللاتينية وكوستاريكا بتزرع حوالي 84% من الأناناس في العالم
- يتم زراعة حوالي 400 مليار أناناس سنويًا حول العالم
- أول مرة اتذكر فيها كلمة الأناناس بترجع لسنة 1398
- شجرة الأناناس ممكن تعيش 50 سنة.. وطولها يتراوح من 1-1.5 متر
- لون ثمرة الأناناس مش بيتغير مع النضج.. ولكن بيتم التعرف على نضجها من خلال النظر على الأشواك وكل ما كانت القشرة مسطحة
- الأناناس قديمًا كان يُعتبر رمز للثروة والمكانة وكان بيتم عرضه في حفلات العشاء كقطعة مركزية
- تنضج ثمرة الأناناس بشكل أسرع لما تكون مقلوبة
