في ذكرى ميلاده.. بلاي ليست بأجمل أغاني “مغني الشعب” الشيخ إمام
النهاردة 2 يوليو ذكرى ميلاد الملحن والمغني الشيخ إمام عيسى.. واللي أغانيه لسه عايشة لحد دلوقتي في قلوب المصريين وتراثهم.
الشيخ إمام اتولد في قرية أبو النمرس في الجيزة.. عيلته كانت فقيرة وكان هو أول ولد يعيش لها بعد ما مات قبله 7 ولاد.. وللأسف اتصاب بالرمد وفقد بصره بسبب الوصفات البلدية.. وقضى طفولته في حفظ القرآن الكريم.. وكان بيحب يسمع للشيخ “محمد رفعت”.. وده اللي خلاه يتأهل إنه يكون منشد وقاريء للقرآن للكريم.. وبالفعل اشتغل فترة في الإنشاد والتلاوة.. ومن هنا اتعرف على الشيخ “درويش الحريري” اللي اهتم بيه فنيا وكان بياخده معاه جلسات إنشاد وطرب.. ومن هنا بدأ يظهر اسم “الشيخ إمام” كمطرب ومنشد.. واتعلم عزف العود.. وبدأ رحلته في العزف والغناء.. وكان النصيب الأكبر طبعا من أغانيه من كتابة وتأليف صاحب عمره ورفيق رحلته الشاعر “أحمد فؤاد نجم”.. ولو عايز تقرأ أكتر عن ثنائية نجم والشيخ إمام شوف الموضوع ده.
وبمناسبة ذكرى ميلاده.. عملنالكوا بلاي ليست بمجموعة من أجمل أغاني الشيخ إمام:
شيد قصورك
يا حبايبنا
أنا أتوب عن حبك
البحر بيضحك ليه
نيكسون بابا
واه يا عبد الودود
الفول واللحمة
بقرة.. حاحا
يا مصر قومي
وهبت عمري للأمل
مصر يامه يا بهية
شقع بقع
اتجمعوا العشاق
يا ولدي
إذا الشمس غرقت
أنا رحت القلعة
الحمدلله خبطنا
فلسطين دولة بناها الكفاح
قيدوا شمعة
يا إسكندرية
