مصريون فازوا بميداليات في الأولمبياد

الرياضي محمد السيد فاز بميدالية برونزية في سلاح سيف المبارزة في أولمبياد باريس 2024.. وده خلى الناس كلها مبسوطة وبتشجعه
عشان كده في الموضوع ده هنقولك أشهر مصريين حصلوا على ميداليات في الأولمبياد من زمان لحد دلوقتي وفقا لـ الهيئة العامة للاستعلامات والعين الإخبارية

مصر حصدت 39 ميدالية أولمبية في تاريخها لحد امبارح ووفقا لموقع RT مصر تعتبر أكتر دولة عربية تحصد ميداليات أولمبية منها 8 ذهبية و11 فضية و20 برونزية.

بدأت مصر تشارك في الألعاب الأولمبية من سنة 1912م وده بعد إنشاء اللجنة الأولمبية المصرية وكانت أول مشاركة ليها عن طريق المبارز المصري أحمد حسنين في مسابقة سلاح الشيش ووفقا لجريدة أخبار اليوم.. خرج أحمد حسنين بعد ما لعب مباراتين لكنه سجل أول حضور رياضي لمصر وقتها في الدورة الأولمبية

وفضلت مصر تشارك في الأولمبياد لكن أول ميداليات.. ليها كانت خلال أولمبياد أمستردام 1928 واللي حصلت مصر فيها على 4 ميدالياتٍ تنوعت ما بين الذهب والفضة والبرونز.
والذهبيتين كانت من نصيب اللاعب السيد نصير في رفع الأثقال وكان أول مصري وعربي يحقق ميدالية ذهبية في الأولمبياد



ومن نصيب اللاعب إبراهيم مصطفى في المصارعة وكان أول مصارع مصري يحقق ميدالية ذهبية في الأولمبياد

وفاز وقتها برضو بفضية وبرونزية الاعب فريد سميكة في الغطس.



وبعدها في أولمبياد برلين 1936م فازت مصر بخمس ميداليات أولمبية في رفع الأثقال.. كان من ضمنهم ذهبيتين لأنور مصباح وخضر التوني في رفع الأثقال

وفضية للاعب صالح سليمان.. وفاز إبراهيم شمس و إبراهيم واصف ببرونزية

وكملت مصر مسيرة تألقها في أولمبياد لندن 1948م.. ويرضو حققت وقتها 5 ميداليات أولمبية 3 منهم في رفع الأثقال و2 منهم في المصارعة
وفاز وقتها محمود فياض وإبراهيم شمس بميداليات ذهبية في رفع الأثقال

وفازت مصر بفضيتين للاعب عطية حمودة واللاعب محمود حسن.. واللاعب إبراهيم عرابي فاز ببرونزية في المصارعة


نيجي بقى لأولمبياد هلسنكي سنة 1952م.. واللي فاز فيها اللاعب عبد العال راشد ببرونزية في المصارعة

 

لكن سنة 1956م انسحبت مصر من دورة ميلبورن بسبب العدوان الثلاثي عليها بعد تأميم قناة السويس.

ولكن رجعت مصر تاني وشاركت في أولمبياد روما سنة 1960م.. وفازت بميداليتين وقتها فضية في المصارعة للاعب عثمان سيد وبرونزية في الملاكمة للاعب عبد المنعم الجندي

وسنة 1980 انسحبت مصر تاني من الأولمبياد وفقا لجريدة المصري اليوم بسبب استضافة الاتحاد السوفيتي ليها وكانت امتنعت بعض المنتخبات عن المشاركة بسبب احتلال عدد من دول آسيا
وبعد سنين حاولت مصر تروح فيها الأولمبياد لكن مانجحتش في الفترة اللي توقفت فيها الطويلة ..

رجحت تاني أخيرا في أولمبياد لوس أنجلوس سنة 1984م وفاز محمد علي رشوان وقتها بفضية في لعبة الجودو.



وفي أولمبياد أثينا 2004م نجحت مصر في حصاد خمس ميداليات أولمبية مختلفة.. حصل فيها كرم جابر على ذهبية في المصارعة



وحصل فيها الملاكم محمد على رضا على فضية في الملاكمة

وحصد فيها اللاعب أحمد إسماعيل ومحمد السيد على برونزيات في الملاكمة.. واللاعب تامر بيومي حصد برونزية في التايكوندو.


وفي أولمبياد بكين 2008م حصدت مصر برونزيتين.. اللاعب هشام مصباح في الجودو واللاعبة عبير عبد الرحمن في رفع الأثقال.

وفي أولمبياد لندن 2012م فازت مصر بـ 3 ميداليات فضية وميدالية برونزية.. حصل فيها اللاعب علاء الدين أبو القاسم على فضية في المبارزة.. واللاعب كرم جابر على فضية في المصارعة.. واللاعبة عبير عبد الرحمن على فضية واللاعب طارق يحيي حصل على برونزية في رفع الأثقال .



وفي أولمبياد ريو دي جانيرو 2016م.. حصدت مصر 3 ميداليات برونزية في رفع الأثقال.. للاعبة سارة سمير واللاعب محمد إيهاب واللاعبة هداية ملاك.

وفي أولمبياد طوكيو 2020.. حققت مصر 6 ميداليات ذهبية وفضية و4 ميداليات برونزية..ذهبية للاعبة فريال أشرف في الكاراتيه.. وفضية للاعب أحمد الجندي فى الخماسي الحديث للرجال.. وبرونزية للاعبة جيانا فاروق في الكاراتيه.. وبرونزية للاعب محمد إبراهيم كيشو فى المصارعة اليونانية الرومانية.. وميدالتين برونزية لـ هداية ملاك و سيف عيسى فى التايكوندو..

وفي أولمبياد باريس 2024م لحد دلوقتي محمد السيد أحرز برونزية في سلاح سيف المبارزة ولسه مستنيين نشوف ميداليات تانية من بعثة مصر في الأولمبياد في الرياضات المختلفة.