في اليوم العالمي للإيدز بنرشحلك 5 أفلام اتكلمت عنه

-أسماء:

الفيلم مستوحى من قصة حقيقية بيحكي عن “أسماء” مريضة بالإيدز وبتحاول تخفي عن الناس اللي حواليها وأهلها وبتكتشف إنها محتاجة تعمل عملية لكن الدكاترة بيرفضوا يعملولها العملية بسبب انتشار مفهوم خاطيء عنه في المجتمع وبتدور الأحداث وبتواجهها مشاكل كتير لحد ما بتجيلها فرصة تعبر عن نفسها وتحكي تجربتها..

:HIV-

الفيلم بيحكي عن يوسف شاب يصاب بمرض الإيدز وبيحكي إزاي بدأت رحلته مع المرض ومواجهته لأسرته والمجتمع وبحبيته بعد مرضه والصعوبات والمشاكل اللي بتواجهه في المجتمع

:Dallas Buyers Club-

الفيلم بيحكي قصة “رون” وهو شخص مدمن للمخدرات والخمرة و شخصيته عنصرية مع الناس اللي حواليه وفي يوم بيعرف إنه مصاب بالإيدز والدكاترة بيقولوله إنه هيموت خلال شهر وربما سيموت خلال شهر وده بيخليه يعيد تفكير في حياته وتعاملاته مع البشر من جديد.

:Philadelphia-

الفيلم بيحكي عن “أندرو بكيت” محامي يصاب بالإيدز ونتيجة لمرضه شركة المحاماة اللي بيشتغل فيها بتفصله عن شغله خوفا من انتقال العدوى ليهم وبيقرر أندرو مقاضاة الشركته وبنشوف العقبات اللي بيتعرضلها.

:The Normal Heart-

الفيلم بيحكي عن بداية أزمة فيروس نقص المناعة المكتسبة في مدينة نيويورك في أوائل الثمانينات وبيعرض الظروف اللي بيمر بيها المرضى و بيتكلم عن بدايات رفع مستوى الوعي حوالين المرض