كل اللي محتاج تعرفه عن “الدحيحة”: 5 كتب صوتية بخلطة الدحيح المميزة لأحمد الغندور

من أيام أعلن تطبيق ستوريتل/Storytel للكتب المسموعة تعاونه مع أحمد الغندور “الدحيح” في مشروع جديد اسمه “الدحيحة”، وهي خطوة جديدة للدحيح في عالم المحتوى الصوتي ودي جولة سريعة في اللي عرفناه عن البروجيكت الجديد ده…

1- محتوى أطول:

“الدحيحة” هي سلسلة كتب صوتية بالعامية المصرية بنفس طابع وخفة دم وأسلوب برنامج الدحيح على اليوتيوب اللي بيحبه كل فانز أحمد الغندور وهتبقى عن قصص حياة شخصيات مؤثرة أو عن أحداث وحكايات تاريخية مثيرة للاهتمام حصلت في العالم ولكن الفرق هو المدة الأطول عشان تتحكي القصة بتفاصيل أكتر مش هتستحملها مدة حلقات اليوتيوب القصيرة ومن تأليف الكاتب طاهر المعتز بالله،  والموسم الأول من السلسلة عبارة عن  5 كتب مسموعة مواضيعها كالآتي:

– كتاب عن “محمد صلاح” ومدته 48 دقيقة:

“في الوقت بدل الضایع من ماتش المنتخب المصري مع الكونغو في تصفیات كاس العالم، كان صلاح على میعاد مع تسجیل ضربة جزاء للتاریخ، ملایین المصریین شافوه واقف یسدد بھدوء وثبات وتركیز، لكن اللي محدش یعرفه إنه اتدرب على نفس اللعبة قبل الماتش وشاطھا بنفس الأسلوب تلات مرات على عصام الحضري واتصدت! إیه سر نجاحه في المرة الرابعة؟” – فقرة من الكتاب

– كتاب عن “غزو أمريكا” ومدته 48 دقيقة:

“في القرن الخمستاشر، بینما الصراعات الدینیة والعسكریة مشتعلة في أوروبا والحروب الأھلیة في إنجلترا أو ما یسمى بحرب الورود، ملھمة الروائي جورج رر مارتن بكتابة سلسلة صراع العروش، كان المستكشف الإیطالي كریستوفر كولومبوس على میعاد مع اكتشاف ھیغیر مجرى التاریخ!” – فقرة من الكتاب

– كتاب عن “محمد علي كلاي” ومدته ساعتين ونص:

“قصة أشھر ملاكم في التاریخ، فاز ببطولة العالم في الوزن التقیل وعمره اتنین وعشرین سنة، وأول تصریح لیه بعد الفوز كان قنبلة مدویة في الأوساط العالمیة، أعلن اعتناقه الإسلام وانضمامه لمنظمة “أمة الإسلام”!  – فقرة من الكتاب

– كتاب عن “مالكوم إكس” ومدته 3 ساعات:

“في مایو 1925 تحدیدً ا في مدینة أوماھا بولایة نبراسكا، اتولد مالكوم لیتل ومعاه نبوءته. مالكوم ابن العائلة الفقیرة لأب داعیة مسیحي فقیر وأم ذات شخصیة قویة وشجاعة، كان بیحمل صفات اسم المدینة اللي اتولد فیھا. أوماھا، تعني المشي عكس التیار!”فقرة من الكتاب

– كتاب عن “نجيب محفوظ” ومدته ساعتين ونص:

“بعد نجاحه في نشر أول روایة أخد أجره خمسمیت نسخة من الناشر، نزل على عربیة حنطور یلف على المكتبات لحد ما لقى مكتبة في باب اللوق وافقت تعرضھم عندھا، لكنھا مش ھتدیله أجر غیر على قد النسخ اللي ھیتم بیعھا من الروایة! وافق طبعًا، وفضل یروح كل یوم یتطمن في حد اشترى الروایة ولا لأ ویلاقي النسخ كلھا زي ما ھیا، وفي یوم راح ملقاش ولا نسخة على الرف، وكان في شدة السعادة لحد ما صاحب المكتبه بلغھ بإنھ شالھم عشان واخدین مكان على الرف ومحدش بیشتریھم!” فقرة من الكتاب

2- الغندور وطاهر – الدويتو الرايق:

تاني حاجة نعرفها عن السلسلة الجديدة هو مؤلفها وهو الكاتب  طاهر المعتز بالله صديق الدحيح القديم ومن أول الناس اللي كتبت برنامج “الدحيح” وأحد أهم كتاب البرنامج حاليًا بحلقات هامة وشهيرة كتير كتبها زي حلقة هتلر و هتلر 2 والحرب العالمية الثانية والجوكر وحلقات كتير مميزة وكمان مؤلف كتاب “الدحيح ماوراء الكواليس” اللي نزل من أسابيع قليلة في المكتبات وبيحكي تجربة أحمد الغندور والبرنامج بتاعه وسر نجاحها حتى الآن.

وواضح إن الدويتو المميز ده مستمر معانا في مشروعهم الجديد بالسلسلة الصوتية الجديدة.

3- الوسيط المختلف:

وتالت وآخر حاجة عن المشروع الجديد هو الوسيط اللي اختاره الغندور لأول تجربة صوتية ومسموعة له وهو تطبيق ستوريتل/Storytel وهو تطبيق للكتب المسموعة والإلكترونية عليه أكبر مكتبة في العالم للكتب الصوتية وبلغات كتير ومقره الرئيسي السويد وحاليًا في أكتر من 20 بلد حول العالم وبدأ ينتشر في مصر والعالم العربي بشكل كبير بالتجربة الجديدة اللي بيقدمها في عالم الكتب المسموعة بإن يبقى معاك على موبايلك أبلكيشن تقدر تسمع به أي كتاب تحبه في أي وقت وأي مكان بسهولة.

Back to top button