بعد نهاية الدوريات وفي إجازة العيد.. إيه الحاجات الرياضية اللي ممكن تشوفها؟

عندنا إجازة طويلة.. بعد ما هتخلص الزيارات والخروجات وكل الفقرات دي.. هتلاقي نفسك قاعد زهقان ومعظم البطولات خلصت
مافضلش غير كأس العالم اللي لسه هيبدأ 11 يونيو.. فـ حبينا ندخلك في الموود لو عايز تتفرج على حاجة حوالين الرياضة.. عملنالك تجميعة تقدر تختار منها.. من أفلام ومسلسلات وأفلام وثائقية.

1- All or Nothing

سلسلة خاصة بكواليس أوض اللبس واللي بيحصل بين المدربين واللاعيبة.. اتعملت لفرق كتيرة منها “السيتي” مع “جوارديولا” و”مورينيو” في فترته مع “توتنهام” و”اليوفي” في فترته مع “بيرلو” كمدرب.. طبعًا مش كل حاجة بتظهر بس ده مايمنعش إن السلسة شيقة وجميلة لو بتحب الكورة وكواليسها والحياة جوه عاملة إزاي

All or Nothing: Manchester City
https://www.primevideo.com/detail/0KN67W36HIVTRF6TU2TTRWZS2A

All or Nothing: Tottenham Hotspur

https://www.primevideo.com/detail/0TZZ7TEHTSS2FK80BV6PL4CPAZ

All or Nothing: Juventus
https://www.primevideo.com/detail/0IZ889Q9HHUK8O55ILSAWRR99F

2- Eat.. Race.. Win

فيلم بياخدك جوه عالم سباقات الدراجات.. بيركز كمان على الضغط النفسي والبدني للمتسابقين.. والدور المهم للأكل والتغذية في حياة الرياضي
https://www.primevideo.com/detail/0NYISIB1Y7Q42PAHFH4YPKZCOP

3- Rooney

يعتبر من الأفلام الوثائقية اللي بتعرض حياة لاعب الكورة بشكل إنساني أكتر من كونه مجرد نجم مشهور.. الفيلم بيبدأ من طفولة واين روني وشغفه بالكورة وإزاي موهبته خلّته يلفت الأنظار بدري جدًا بعد انتقاله لـ”مانشستر يونايتد” وإزاي حياته اتغيرت بشكل كبير وبقى واحد من أشهر لاعبي إنجلترا.. لكن الشهرة الكبيرة دي جابت معاها ضغوط وانتقادات مستمرة.. الفيلم بيعرض النجاحات الكبيرة اللي حققها وفي نفس الوقت بيتكلم عن الفترات الصعبة والأزمات اللي مر بيها سواء في حياته الشخصية أو الكروية.. وده اللي مخلي الفيلم مختلف 

https://www.primevideo.com/detail/0TPGWTGJC597AIYCLYAMWW9U06

4- Remember The Titans

يعتبر من أشهر الأفلام الرياضية اللي اتقدمت عن الإصرار وروح الفريق خصوصًا إنه مبني على قصة حقيقية حصلت فعلًا في فترة كانت العنصرية فيها واضحة في المجتمع الأمريكي.. أحداث الفيلم بتبدأ لما المدرسة تقرر دمج لعيبة بيض وسود في فريق كورة أمريكية واحد وده خلق حالة توتر كبيرة بين اللعيبة من أول يوم وكل طرف كان رافض التاني.. لكن المدرب كان عنده شخصية قوية وقدر يفرض نظام وانضباط على الكل.. الفيلم بيعرض تطور الشخصيات والعلاقات بشكل واقعي ومؤثر وبيعرفنا إزاي الرياضة قدرت تجمع ناس كانوا مستحيل يتقبلوا بعض في البداية.

movies.disney.com/remember-the-titans

5- Ted Lasso

في العادي مشجعين الكورة مش بيصبروا على المدربين “الفاشلين”.. ولكن الوضع في مسلسل تيد لاسو مختلف خالص لأن المدرب ده رغم إنه ميعرفش أي حاجة عن الكورة غير أنها مدورة بس عنده أمكانيات معنوية وتحسين العمل الجماعي وأنه فعلا يخليهم “فريق” أسم على مسمى.. مسلسل من 4 مواسم بيتكلم عن الكورة وفي منبعها الحقيقي إنجلترا هتستمتع بمسلسل مختلف من أجواء التشامبيونشيب.. البريميرليج.. وكوميديا الأمريكان عن فكرتهم عن كرة القدم.. والموسم الرابع هينزل يوم 5 أغسطس 2026 فعندك وقت تخلصه قبل ما يبدأ السيزون الجديد 

https://tv.apple.com/us/show/ted-lasso/umc.cmc.vtoh0mn0xn7t3c643xqonfzy

6- Coach Carter

فيلم كوتش كارتر من الأفلام الكلاسيكية لما تيجي تتكلم عن الرياضة.. مرتبط بحب الأمريكيين لكرة السلة وتحديدًا كرة سلة الجامعات لما بطل الفيلم “الممثل صامويل ليروي جاكسون” يقرر تدريب فريق جامعة ريتشموند لكرة السلة وفكرة ربط الدراسة والرياضة بأنها الطريقة الوحيدة لإخراج الشخص من الفقر لتعليم وحياة أحسن خلت الفيلم مختلف

https://www.netflix.com/eg-en/title/70019004

7-Million Dollar Baby

دراما رياضية بتحكي عن مدرب ملاكمة معتزل بيوافق يدرب بنت عندها حلم تبقى بطلة عالم.. الفيلم بيعرض العلاقة الإنسانية اللي بتزيد بينهم.. والتحولات القاسية اللي بتحصل مع السعي وراء النجاح والطموح

https://www.netflix.com/eg-en/title/70018292

8- The Karate Kid

جاكي شان ورحلته مع الطفل “باركر” اللي بيبدأ حبه للكارتيه إنه عايز يحمي نفسه من متنمرين المدرسة اللي عايزين يضربوه.. عشان بعدها تتطور الأحداث واحدة واحدة ويفهمنا الفيلم واللي بيحصل لـ”باركر” إنك قبل ما تحاول تكون رياضي لازم الأول تبقى إنسان عنده مبادئ وإن أحيانًا ممكن نكسب حاجات أكبر
https://www.netflix.com/eg-en/title/60036164

9- TOGETHER: 4-IN-A-ROW

موسم 2023/24 كان موسم تاريخي للسيتي.. بتحقيق الدوري في الموسم ده بقى أول فريق في تاريخ الكرة الإنجليزية يكسبه 4 مرات متتالية.. وزي أي حاجة جميلة كان وراها قصص كتير وأحداث أكتر
https://youtu.be/e6aktI6Yu3A?si=B_g1Up7GTaSN12fi

10- Salah: Farewell To The King

وثائقي وداعية الملك محمد صلاح لرحلته مع ليفربول وإزاي كانت رحلة مليانة حكايات ومغامرات..

نتمنى تبقوا اتفرجتوا على حاجات منهم ودخلتم في موود كأس العالم.