10 نصايح للناس اللي على طول بتقلق وتتوتر

معظم الناس حاليا قلقانة من بكرة وفي حالة تفكير زيادة في تأمين نفسهم وأسرتهم وده بيخليهم في توتر مستمر  وبيأثر عليهم ويخليهم عرضة لأمراض مزمنة زي الضغط أو السكر … وده مش بينطبق على الكبار بس لكن بما إننا في فترة امتحانات والطلبة بتتوتر وتقلق وأحيانًا بتدخل في نوبة هلع فكان مهم إننا نتكلم معاكم في الموضوع ده…
في البداية خلينا نقولكم إن موقع Health Line بيعرف القلق أنه استجابة طبيعية للتوتر وده أمر طبيعي لو داخل على حاجة جديدة سواء شغل أو علاقة جديدة.. لكن لما يزيد الشعور ده عن حده زي إنك خايف من الانفصال أو خايف من نظرة الناس ليك فده هيأثر على حياتك وهنا بيسميه “اضطراب القلق”

طب إيه أنواع إضطرابات القلق؟

  • اضطراب القلق المُعمم Generalized anxiety disorder
  • اضطراب الهلع Panic disorder
  • اضطراب قلق الانفصال Separation anxiety disorder
  • اضطراب القلق الاجتماعي Social anxiety disorder
  •  رُهَاب الميادين Agoraphobia 




طب إيه أكثر أعراض اضطرابات القلق؟

  • صعوبة في التركيز
  • عرق أو رعشة
  • الأرق
  • الإحساس بالتعب
  • شد عضلي
  • آلام متكررة في البطن أو إسهال
  • ضربات قلب سريعة

 

 

وبيشرح موقع مايو كلينك إزاي اضطرابات القلق ممكن تأثر علينا في مواقف حياتنا اليومية

  • صعوبة أداء المهام بسرعة وكفاءة
  • افتراض عواقب وهمية وفرط التفكير في الخطط والحلول لها
  • صعوبة التوقف عن الشك
  • التردد والخوف من اتخاذ القرار
  • العجز عن صرف مخاوفك أو التخلي عن قلقك
  • العصبية المستمرة وعدم القدرة على الاسترخاء
  •  أفكار سلبية وتشاؤمية بشكل مستمر
  • تجنب المواقف الاجتماعية
  • انتظار تشجيع الآخرين على أدائك
  • زيادة خطر الإصابة بالاكتئاب
  • زيادة خطر الإصابة بالاكتئاب




عشان كده جمعية القلق والاكتئاب الأمريكية بتنصح كل اللي بيحس بالقلق والتوتر الزيادة بالنصايح دي:

  • حط لنفسك أهداف صغيرة تقدر تحققها عشان توصل لهدفك الكبير
  • اقتنع باستحالة الوصول للكمال وافتكر  إننا بنسعى وبنبذل قصارى جهدنا بس
  • شتت عقلك بالتفكير في حاجات إيجابية بتفرحك
  • اكتب الحاجات اللي بتتوتر أو بتقلق منها لأنه هيقلل الضغط على عقلك
  • التغذية السليمة مهمة جدًا
  • حافظ على صحة جسمك والتمارين الرياضية حتى لو المشي يوميًا
  • اشرب كميات معقولة من الكافيين.. بلاش تكتر منه
  • حاول تنام وقت كافي لو سنحت لك الفرصة
  • حافظ على علاقتك بأصدقائك والأشخاص اللي بتحبهم
  • محتاج تزور دكتور مختص تشرحله حالتك.. ده مش عيب ولا غلط

Related Articles

Back to top button