موضوع مايهمكش: في اليوم العالمي للبصر جمعناكم 10 حقايق مثيرة عنه

النهارة يوم 12 أكتوبر الموافق اليوم العالمي للبصر علشان كده جمعنالك حقايق مثيرة عن البصر في الموضوع ده وفقا لموقع advvision centers و موقع Bolle safety:

1- الجزر بيحتوي على البيتا كاروتين اللي بيحولها الجسم لفيتامين أ وفيتامين أ مهم جدا للبصر لأن نقصه بيسبب العمى لكن لو ضعف النظر عندك بسبب تاني غير نقص فيتامين أ في الجزر عمره ما هيقوي نظرك.. والأفضل تاكل الأسماك والخضروات الغنية باللوتين والزياكسانثين والميزوزياكسانثين.

2- على الرغم من إن الناس بتقول عينيك صقر لكن لما تحب تمدح في نظر حد إلا إن حاسة الإبصار عند النسور  أكتر حدة منهم ومن الإنسان وبيقدروا يشوفوا 8 أضعافه

3- في حيوانات بتقدر تشوف في الضلمة مش بس البومة والخفاش والراكون لا كمان في حيوانات تانية زي التماسيح و الحيتان والتعالب و الضفادع وحتى القطط المنزلية!.

4- في حيوانات عندها أكتر من عين وده زي الخفاش اللي عنده 8 عيون وفي أنواع عندهم 12 عين والنحل ونجمة البحر اللي عندهم 5 عيون.

5-عين الإنسان بتحتوي تقريبا على 576 ميجابيكسل وده رقم كبير مقارنة بأفضل الكاميرات اللي بتصل ل 50 ميجابيكسل بس!

6- الكلاب عندهم حالة اسمها deuteranopia يعني مبيقدروش يميزوا بين اللون الأحمر والأخضر.

7-عينينا بتتقفل تلقائيا لما بنتعرض لأي خطر علشان عقلنا بيحاول يحمينا.

8- الأطفال اللي لسه مولودة مبيقدروش يشوفوا كل الألوان لأن الخلايا المستقبلة للضوء بتبقى لسه مش قوية كفاية مش بس كده هما كمان مبيقدروش يدمعوا لحد عمر 6 أو 8 أسابيع.

9- العين بترمش من 20 ل 30 ألف مرة في اليوم الواحد.

10- أكتر لون عيون منتشر في العالم هو اللون البني بنسبة 70-79%  الملونة هى أقل العيون انتشارا في العالم.

Related Articles

Back to top button