تفاصيل نشر صور فاضحة منشأة ببرنامج “Grok” على منصة “إكس” تويتر سابقًا

الفترة الأخيرة انتشرت صور جنسية لبنات وستات منشأة بنموذج الذكاء الاصطناعي  “Grok” المخصص لشركة “إكس” تويتر سابقًا التابع لإيلون ماسك.. فإيه موضوع الصور دي ورد فعل الشركة عليها؟

تفاصيل الصور الفاضحة

يوم  28 ديسمبر 2025 نموذج الـ AI “Grok” انشأ وشارك صور جنسية بالذكاء الاصطناعي لبنتين عمرهم بين 12 و16 سنة وهما لابسين ملابس فاضحة.. والنموذج عمل الصور دي بناءً على طلب أحد المستخدمين.. والموضوع مش مقتصر على البنتين دول بس هو ده كمان اتكرر مع مستخدمين تانيين.. لأن بمجرد ما بيدخل لـ “Grok” أمر محدد بتغيير تفاصيل معينة في الصورة عشان تبقى فاضحة بينفذ ده على طول ومن هنا اُكتشفت الثغرة الموجودة في النموذج ده

رد “Grok” على الصور

وبعد مطالبات كتيرة من مستخدمين منصة “إكس”.. نزلت شركة “Grok” يوم 1 يناير 2026 على منصة “إكس”_ تويتر سابقًا_ بوست بتعتذر فيه عن أي ضرر حصل للمستخدمين.. وقالت إن الحادثة دي بتعتبر انتهاك للمعايير الأخلاقية.. وده بسبب ثغرة في إجراءات الحماية وإنها حاليًا بتشتغل على مراجعة الموضوع ده عشان تمنع تكراره في المستقبل.. وعلقت الأكونت اللي أنشأ الصور دي على منصة “إكس”

Grok هو برنامج دردشة آلي (Chatbot) من شركة xAI التابعة لإيلون ماسك ومتخصصة في الذكاء الاصطناعي.. وهو متاح لمستخدمي منصة “إكس”