لو بتراقب أكاونت الكراش وبتشوف مين عامله فولو.. فانـت عندك اضطراب!
اليومين اللي فاتوا نزلت ريفيوهات كتيرة عن فيلم اسمه “Obsession” اللي بيتكلم عن موظف بيتمنى إن حبيبته من الطفولة تحبه أكتر من أي حد في الدنيا والأمنية فعلًا تتحقق.. بس مع الوقت بتبقى مهووسة جدًا ومتعلقة بيه لشكل مرعب.. وده هو بالظبط الحب الهوسي اللي هنقولك عن علاماته ويفرق إيه عن الحب المتزن!
اضطراب بيبقى الشخص فيه متعلق جدًا بشريكه وبيتعامل إنه ملكه.. والفكرة دي تسيطر عليه وتكون عنده غيرة وأفكار وهمية شديدة بالخيانة.. وتبدأ سلسلة من المشاكل المعقدة في العلاقة تظهر
وغالبًا بيرتبط بالعلاقات اللي ماتقفلتش أو الحب اللي من طرف واحد
1- المثالية: بيتعامل الشخص المهووس مع شريكه كأنه ملاك ومابيغلطش خالص.. وبيتغاضى عن أي عيوب
2- التضحية: بيحط شريكه أولوية وبييجي على نفسه عشانه عادي.. وبيبذل جهد أكبر عشان يرضيه
3- التطفل: بيسأل أسئلة خاصة أوي ومابيبقاش ليها مبرر.. وبيتخيل مستقبله معاه مع إنه لسه عارفه.. وبيحاول يقرب منه بشكل سريع
4- عدم احترام المساحة الشخصية: فبيرفض إنه يسمع مشاعر الطرف التاني.. ومابيقبلش أي حدود بيحاول شريكه يحطها
5- التهديد: مابيقبلش البُعد والرفض فبيبدأ يهدد الشخص التاني إنه يإما هيأذيه أو هيأذي نفسه
6- المبالغة في الاهتمام: فبيراقب الشخص طول الوقت سواء في الواقع أو على السوشيال ميديا فبيبعت مسدجات كتيرة أوي ويضايق لو الطرف التاني مردش.. وبياخد من تفكيره مساحة كبيرة أوي في اليوم
7- الغيرة الأوفر: لما بيعرف إن الطرف التاني هيقضي وقت مثلًا حد غيره.. ويمكن ساعات بيغير من غير سبب
8- القلق الزيادة عن اللزوم: طول الوقت حاسس بعدم الاستقرار في العلاقة وبيطلب طمئنينة مستمرة.. وبيبالغوا في تحليل كل تصرف وكلمة يقولها الطرف التاني
9- التحكم والتلاعب: بيقرر دايمًا لشريكه يقابل مين وإمتى.. وعايز يعرف مين بعتله مسدج.. ويقنعه إن صحابه والناس اللي حواليه مش كويسين وعايزين يأذوه وده عشان يعزله عنهم بس
1- اضطراب الشخصية الحدية: بيعيشوا تقلبات مزاجية حادة ومندفعين وكمان بيخافوا إنهم يتسابوا.. فبيقربوا من الناس بسرعة
2- اضطرابات التعلق: الأشخاص اللي عانوا من علاقات غير صحية في الطفولة بيتكون عندهم تعلق شديد باللي حواليه.. فبيحسوا بسرعة بالدفئ مع أي شخص
3- الترومات: اللي الشخص بيعيشها بتخليه حاسس بعدم استقرار وخوف إنه يفضل وحيد طول الوقت.. وده بيخليهم موسوسين
4- اضطراب الوسواس القهري: بيخلي الشخص عنده أفكار وسواسية زي إنه مش واثق في الشريك وبيبقى عنده حاجة مُلحة يعرف الشخص التاني بيعمل إيه ويتحكم فيه
5- اضطراب الشخصية االاعتمادية: اللي طول الوقت بيحتاجوا شخص يطمنهم ويهديهم وأقل حاجة بتوترهم
6- المفاهيم الغلط: فيه ناس بتفتكر إن الحب معناه السيطرة على كل تصرف للشخص.. وإن ضروري يتحكموا في كل حاجة عشان يثبتوا إنهم بيحبوهم
1- الإدراك: ضروري الشخص المهووس يتقبل مشاعره وماينكرهاش.. كل شخص بيحتاج الحب
2- الفهم: لازم الشخص يعرف المعنى الحقيقي للعلاقات الصحية عشان ساعتها هيقدر يعرف التصرفات الوسواسية والمهووسة اللي بيعملها في علاقاته
3- احترام المساحة الشخصية: فلازم كل طرف يقدر إن اللي قدامه بيحتاج خصوصية
4- تحديد الاحتياجات من العلاقة.. بيخلي الشخص يقرر الناس اللي تفضل أو تخرج من دايرة علاقاته.. ولو لقى إن مفيش أي حد بيديله الدعم اللي محتاجه يدي ده لنفسه
5- بلاش مراقبة: فمش لازم الهوس بمراقبة مين الفولور الجديد اللي بقى في الأكاونت
6- توسيع دايرة المعارف مهم عشان الحياة ماتبقاش واقفة على شخص بعينه ويشغل كل اليوم
7- العلاج النفسي: مش عيب ولا ضعف نطلب مساعدة من متخصص يسهل فك التعلق بالطرف التاني في العلاقة
وفي الآخر كل حاجة بتزيد عن حدها بتقلب ضدها.. وأصلًا الحب هدفه إن الطرفين يسهلوا حياة بعض على بعض.. واللي بيحب حد مابيوبظش حياته وبيبقى عايز يريحه فلو راحته في البعد عنك سيبه وانت كمان تستاهل إنك تلاقي اللي يحبك من قلبه
