إزاي تنجز شغلك في وقت رمضان الضيق في 7 خطوات

بما إننا دخلنا أسبوع رمضاني جديد وأكيد عندنا تاسكات كتير نعملها في الشغل.. 

وطبعًا الشغل مع الصيام ووقت رمضان الضيق دونت ميكس خااالص.. 

فـ إحنا هنقولك على 7 حاجات هتسهل عليك الدنيا شوية وتساعدك تنجز الشغل في وقت رمضان الضيق

1- اهتم بنفسك:

يعني حافظ على وجباتك كويس وبمواعيد تناسبك.. زي مثلا تتسحر بدري شوية لو هتصحى بدري.. وتحاول تنام فترة معقولة 6-8 ساعات عشان تصحى مركز.

2- ابدأ شغل بدري: 

وده سر أي شخص ناجح.. لأنك لما تصحى بدري هتكون أهدى وذهنك صافي أكتر.. ومستويات الإنتاجية عالية.

3- خطط يومك

اتعود قبل ما تبدأ شغلك تكتب التاسكات اللي مفروض تخلصها النهاردة ويكون معاك خطة مبدأية لليوم هيمشي إزاي .. وده هيساعدك تخلصها بشكل أفضل وتكون جاهز لأي مفاجآت.

4- حدد أولوياتك:

عشان ممكن يكون وراك أكتر من حاجة ومنعًا للتشتت.. اشتغل بذكاء وقسم اللي وراك حسب أهميته كالتالي: حاجة مهمة وضرورية – حاجة مهمة وينفع تتأجل – وحاجة ينفع تتساب للاخر.

5- حدد وقت لكل مهمة وراك:

على حسب كل مهمة تقدر تعمل ديد لاين ليها.. وده بيساعد على التركيز أكتر وتحفيزك إنك تدخل على اللي بعده.

6- خد استراحة:

الشغل ورا بعض ورا بعض مش هيفيدك وهيستفنذ طاقتك بدري بدري.. فـ اهدأ كده وخد بريك عشان تقدر تكمل وتخلص

7- ابعد عن أي حاجة تشتتك:

فكر إيه اللي بيعطلك عن الشغل.. الموبايل؟ اعمله سايلنت وابعده عنك 

زملاء العمل؟ صدر لهم الطرشة بسيطة مش محتاجة يعني