اعرف شخصيتك من شكل صوابعك

إيدينا مش مجرد كف بأصابع.. ده عالم مليان تفسيرات عميقة عن شخصيتنا.. وده وفقًا لدراسة نشرت في المجلة الدولية للعلوم الأساسية والتطبيقية اللي بتأكد إن أشكال اليد وأطراف الأصابع بتشير إلى خصائص النمو الفردية في فترة الجنين وما بعد الولادة

فتعالى نقولك حجم إيدك وشكل صوابعك إزاي بيعبروا عن شخصيتك حسب موقع medium و themindsjournal

كل حد مننا بيكون عنده شكل صوابع مختلف عن التاني.. وكل إصبع في إيدينا بيقيس صفة فينا.. ولو إصبع قوي يبقى الصفة فينا قوية والعكس صحيح.. الإصبع المايل أو له حركته محدودة ده إصبع ضعيف.. أما الإصبع المستقيم أو الطويل أو بارز عن اللي حواليه ده إصبع قوي

طب كل صباع بيقيس صفة إيه جوانا؟

• الإبهام يشير إلى السعي لتحقيق النجاح في الحياة المهنية

• السبابة يشير إلى الذكاء والسلطة وقوة الشخصية

• الأوسط يشير إلى الثقة والحكمة والكفاءة وتحمل المسؤولية

• البنصر يشير إلى الإبداع والتعبير عن الذات

• الخنصر (الصغير) يشير إلى مهارات التواصل والعلاقات

وموقع the minds journal قسم أنواع الإيد لـ7 أنواع بيعبروا عن سماتنا الشخصية كالتالي:

1- نوع النار: شكل راحة اليد طويل ومستطيل وأصابع قصيرة إلى حد ما

• بيتميز بالشجاعة والحيوية والحدس الغريزي

• بيتمتع بالعاطفة وبيكون جذاب بدرجة كبيرة

• بيحب الشغل.. وقائد بالفطرة

• عنده حماس شديد في أي حاجة بيعملها

• بيتميز بسرعة التفكير والتعلم..ومهارات تواصل وتنسيق عالية

• ماعندوش صبر.. وممكن يفقد شغفه وسط الحاجة اللي بيعملها

• أغلب الوقت مش بياخد باله من تأثير أفعاله على مشاعر الآخرين وده بيعرضه لمشاكل في الحياة

• في علاقاته بيحب الوضوح يا أبيض يا أسود مالوش في الرمادي

2- نوع الأرض: شكل راحة اليد سميك ومربع وأصابع قصيرة

• واقعي وعقلاني

•  يمكن الاعتماد عليه في حل المشكلات

• بيميل للعلاقات الطويلة ومستعد للتضحية عشان اللي بيحبهم

• صعب الدخول لعالمه إلا لما تحسسه بالأمان

• مهتم بالشغل

• غير قابل للتكيف وفي معظم الأوقات يكره التغيير وأحيانًا بينعزل

• عند مبدأ عدم الاستسلام أبدًا.. وده يساعده على تحقيق إنجازات غير عادية 

• متواضع لدرجة أنه مش مهتم أنه يتكلم عن إنجازاته وده بيضيع عليه التقدير اللي يستحقه وبيتم تجاهل جهوده

3- نوع الماء: شكل راحة اليد بيضاوية قصيرة وأصابع نحيلة

• شخص موهوب ومعروف بقدرته الإبداعية

• عنده القدرة على التكيف

• شخصية خيالية وحالمة

• عنده قلب حنون ومتعاطف حتى لو الشخص اللي قدامه غلطان

• مشاعره فياضة في علاقاته

• عنده قدرة على جذب أشخاص توكسيك

4- نوع الهواء: شكل راحة اليد إما مربعة أو مستطيلة وأصابع طويلة ونحيلة.. (غالبًا بتكون راحة اليد والأصابع متطابقة في الطول)

• شخص مثقف إلى حد ما

• عنده قدرة تحليلية كبيرة للي بيحصل حواليه

•  قادر على التفكير في أكتر من حاجة في نفس الوقت بكفاءة على توليد 

• أذكياء جدا وقادرون على الخروج بأفكار مبتكرة

• علاقتهم باللي حواليهم كويسة رغم أنهم صادقين معظم الوقت مش بيعرفوا يجاملوا

• وعندهم فرصة كبيرة للنجاح والشهرة

5- نوع الخشب: شكل راحة اليد طويلة ومستطيلة مع مفاصل مميزة وأصابع طويلة

• شخص موهوب ومبدع بطبيعته

• بيحب الاستقلالية

• شخصية حساسة

• عاطفي وميال للحب الأفلاطوني

• شاطر  في مجالات زي الفن والثقافة والأعمال التجارية وعلم النفس

• فضولي 

• لديه تركيز قوي ويمكن التفكير بشكل نقدي

• ماعندوش القدرة على التكيف مع التغيير

6- نوع المعدن: شكل راحة اليد والأصابع والأظافر مربع

• بيقدر نفسه كويس أوي

• بيحب يرسم لنفسه هدف ويتحدى أي حاجة عشان يحقق

• منصف وعادل عشان كده هيكون شاطر في مهنة المحاماة

• عنده مهارات تنسيق وتواصل ممتازة

• يقدر يكون قائد أو مدير كويس

• مخلص في علاقته

• مش بيسامح في النفاق أو التلاعب به العاطفي

• عنده قدرة على تحمل المسؤولية

7- النوع المختلط: مافيش شكل معين لليد ولا الأصابع والأظافر

• شخصية أنانية 

• ماعندوش هدف واضح في الحياة

• نفسه قصير.. لو مانجحش في اللي بيعمله على طول بيفقد الشغف

• ماعندوش قدرة على التفكير النقدي والعقلية التأملية

• لو قدر يستفيد بأقصى طريقة ممكنة من من قدراته هيحقق العجائب في أكثر من مهنة