موضوع مايهمكش: 7 حقائق ماتعرفهاش عن الذرة

النهاردة يوم مميز .. لأننا هنكلمك عن حاجة  أغلبنا مش بنختلف عليها وبنقدرها.. هو شئ في الشتا بتحتاجه وتجري عليه.. يسليك في مواصلة.. يبقى صاحبك في تمشية بالليل.. أو تصبيرة تسد معاك لحد ماتروح تاكل .. وساعات يسهر معاك قدام فيلم طويل .. وبيظهر بكذا شكل.. مشوي شغال ..  مسلوق معاك .. في سلطة مايضرش برضه… بطل كل الحكايات دي هو كوز الذرة

عشان كده حبينا نقولك كام معلومة كده عنه:

1- الذرة موطنه الأصلي جنوب المكسيك من 10000 سنة وبعد كده انتشر في أوروبا

2-الولايات المتحدة بتنتج ثلث محصول الذرة في العالم

3- بيستغرق  من 60 لـ 100 يوم عشان يتم حصاده ويحتاج لجو حر

4- الذرة فيه منه 14 نوع وبألوان مختلفة

5- الذرة مفيد لعلاج أمراض كتير زي الزهايمر والسرطان وارتفاع ضغط الدم

6- شجرة الذرة ارتفاعها حوالي 2.5 متر

7- الجسم مش بيتهضم  الذرة بسهولة عشان فيه نسبة عالية من ألياف السليلوز