أول جزء بتغسله وأنت بتستحمى بيقول حاجات كتير عن شخصيتك!

لما بتستحمى أو بتاخد شاور أكيد بتبدأ الحماية بجزء معين في جسمك وده شئ عادي بالنسبة لك، لكن اللي مش عادي هو إنك تعرف إن الجزء اللي بتبدأ بيه وأنت بتستحمى بيكشف كلام وحاجات كتير عن شخصيتك.

موقع Thesun قال في واحد من مقالاته إن فيه خبيرة “Life Style” اسمها “Anu Mukherjee” قالت إن كل واحد بيبدأ بغسل جزء معين وهو بيستحمى بيكشف جزء عن شخصيته زي:

1- الوجه:

“موخيرجي” قالت إن الأشخاص اللي بيغسلوا وشهم في الأول بيحبوا الفلوس وغالبًا ما بيكافحوا عشان يتوفقوا مع أشخاص تانية، عشان من الصعب إن حد يفهم وجهة نظرهم عن أي موضوع.

2- الكتاف:

وقالت إن الأشخاص اللي بيبدأوا بكتافهم أثناء الحمى بيميلوا لإنهم يشيلوا العالم على كتافهم، ووصفت تفانيهم وقالت إن الأشخاص دي مابيبطلوش التفاني اللي بيعملوه ده غير لما يتم استنزفهم تمامًا، ويعتقد إنهم شخصيات مخلصة وأي حد يقدر يثق فيهم.

3- الجزء اللي تحت الإبط:

وذكرت إن الأشخاص اللي بيبدأوا بغسل الجزء اللي تحت الإبط أشخاص موثوق فيهم وشخصيات يقظة، ومع ذلك كملت وقالت إنهم بيبانوا قدام الناس إنهم شخصيات ساذجة شوية وماعندهمش ثقة في نفسهم.

4- الصدر:

أما لو أنت من الأشخاص اللي بيغسلوا منطقة الصدر الأول فأنت من الأشخاص المخلصين والصادقين ولكن لسوء الحظ قالت إن الأشخاص دول عادة ما بيعانوا من ضغوط شديدة لأن كل اللي أنت عايزة هو إنك تعمل اللي عليك بشكل كويس جدا ومثالي.

5- الشعر:

أما لو أنت من الناس اللي بتحب تبدأ حمى بغسل شعرك قبل أي جزء تاني من جسمك فـ “موخيرجي ” قالت إنك تقريبًا شخص رومانسي، وغالبا بتبقى منغمس في أفكارك وبتتمتع بمزاج عالي من الثقافة والفن.

6- أي جزء تاني في الجسم:

لو مالكش أي ترتيب محدد لروتين غسل جسمك، فـ “موخيرجي” قالت إنك تقريبًا شخصية مغامرة أوي، وقالت إنك مابتحبش الملل أبدًا ، خصوصا لو الموضوع متعلق بالعلاقات. وقالت إن بلا شك أنت شخصية متواضعة جدا.