رحلة صعود النجم المصري “سام مرسي” مع فريقه إيبسويتش تاون إلى الـ Premier League
بعد صعوده إلى الدوري الإنجليزي الممتاز بعد حوالي 22 سنة غياب.. تعالوا نعرف أكتر عن تفاصيل المغامرة اللي عدى بيها فريق “Ipswich Town” أو “إيبسويتش تاون” اللي تعتبر إنجاز من أكبر إنجازاته في الدوري على مدار السنين.. ومين هو قائد الفريق وانضم ليهم امتى؟
نادي إيبسويتش هو النادي الوحيد المحترف في مقاطعة “سوفولك” على ملعب اسمه “بورتمان رود”.. بيعلب تحت قيادة المدرب “كيران ماكينا” ومن أشهر لاعبيه الحاليين “سام مرسي” و “ليف ديفيس” أكتر من صنع أهداف للفريق و “ناثان برودهيد” و “كورنو تشابلن” هدافي الفريق.. ودي مراحل الفريق من أول بدايته لحد الفترة اللي احنا فيها..
بدايتهم:
النادي اتأسس سنة 1878 ولكن بقى فريق محترف لما فاز بالدوري الجنوبي 1936 وتم اختياره لدوري كرة القدم 1938.. أول نجاح ليهم هو صعود دوري الدرجة التانية 1953/1954 وأكبر إنجاز وقتها لما فازوا بدوري الدرجة التانية 1960/1961 ونفس سنة الصعود فازوا بدوري القسم الأول واتأهلوا لكأس أوروبا
مشوارهم:
الفريق فاز بكأس الاتحاد الإنجليزي للشباب سنة 1973 و1975 وبعدها فاز بكأس الاتحاد الإنجليزي 1978 بعد 100 سنة من تشكيله وبدايته كفريق.. بعدها فاز الفريق “بكأس الاتحاد الأوروبي” 1981 المعروف “بالدوري الأوروبي” دلوقتي.. الفريق تراجع للدرجة التانية سنة 1986
في موسم 1992 ومع بداية الدوري الإنجليزي الممتاز بمسماه الجديد.. فاز الفريق بدوري الدرجة التانية وصعدوا للتشامبيونشيب.. الفترة لحد 2002/2001 كانت بيتجنب الفريق الهبوط بالعافية في أواخر الترتيب.. فضل الفريق يحافظ على نفسه من الهبوط لكنه هبط من الدوري الإنجليزي لما كان في الـ 3 مراكز الأخيرة في الدوري
موسم 2019/2020 وموسم 2020/2021 كانت فترة سوء حظ مع اجتهاد الفريق.. لأن أول موسم فيهم الفريق ماخسرش في أول 6 ماتشات ولكن الدوري انتهى بعد ما شالوا منه 12 ماتش بسبب الكورونا وخلص في المركز الـ 11.. أما الموسم اللي بعده وبسبب الكورونا برضه الفريق خلص الدوري مركز تاسع بس بفرق 5 نقط بس عن مراكز التصفية اللي بتساعدهم يتأهلوا.. عشان كده عملوا موسم انتقالات قوي بـ 19 لاعب!
خلصوا مركز تاسع في 2021 ومركز حداشر في 2022 عشان يدخلوا لفترتهم الذهبية..
إنجازهم التاريخي:
في موسم 2022/2023 لعب الفريق في “دوري الدرجة الأولى” وده بييجي ترتيبه التالت بعد الممتاز و تشامبيونشيب يعني زي “دوري الدرجة التالتة” في باقي دوريات العالم.. بيكون في ممتاز ودرجة تانية ودرجة التانية.. الفريق وصل 98 نقطة في نهاية الموسم في المركز التاني اللي بيأهل بشكل مباشر لـ “التشامبيون شيب” وده كان بقيادة سام مرسي اللاعب المصري.. وفي الموسم الحالي في التشامبيون شيب موسم 2023/2024 بيضمن الصعود بشكل مباشر للدوري الإنجليزي “البريميرليج” عشان حافظ على المركز التاني بعد ليستر سيتي في المركز الأول اللي صعد قبله للدوري الإنجليزي
سام مرسي:
كابتن الفريق اللي انضم له بعد موسم 2020/2021 في فترة الانتقالات الصيفية جاي من فريق ميدلزبره لعب فيه لمدة سنة من 2020 وقبلها كان في نادي ويجان وبدايته خالص كانت في 2009 مع نادي بورت فايل.. واللاعب كمان كان عنصر من عناصر منتخب مصر في فترات كتير
من رأيك: هل هيقدروا يستمروا في البريميرليج بعد الصعود ولا هتكون رحلة صعبة وهيهبطوا مرة تانية للتشامبيونشيب؟
