تقنية جديدة لدمج الذكاء الاصطناعي بألعاب الفيديو وأخبار تانية في الملخص الأسبوعي
مساء أو صباح على جيمرز جلوكال حسب وقت قراءتكم للموضوع ده، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بمؤتمر Playstation Showcase اللي كان خلال الأسبوع اللي فات، تقدروا تعرفوا تفاصيل أكتر عنه من خلال اللينك ده
انطلقت فعاليات مؤتمر Computex 2023 من 30 مايو ولحد 2 يونيو وده لأول مرة بعد توقف لـ3 سنوات بسبب فيروس كورونا.
في المؤتمر، قدمت شركة إنفيديا فيديو عن دمج الذكاء الاصطناعي في ألعاب الفيديو بتقنية NIVDIA ACE واللي هيتمكن من اللاعب خلالها إنه يتحاور بصوته مع الشخصيات اللي في اللعبة.. وده هينقل الفيديو جيمز في حتة تانية.
في الأيام اللي فاتت، انتشرت شائعة عن استحواذ سوني على شركة CD Projekt Red.
ولكم مسؤولة العلاقات العامة Ola Sondej نفت صحة الخبر وقالت إن مفيش أي محادثات من النوع ده مع شركة سوني
Yah, we’re not in such talks with Sony.
— Ola Sondej (@olasondej) May 29, 2023
وباستكمال الكلام على شركة سوني، أعلنت عن قائمة الألعاب المجانية لمشتركي خدمة PlayStation Plus وهتتوفر بداية من 6 يونيو لـ 3 يوليو المقبل:
– لعبة NBA 2K23 | PS4, PS5
– لعبة Jurassic World Evolution 2 | PS4, PS5
– لعبة Trek to Yomi | PS4, PS5
