لأول مرة.. تماثيل ومذابح للملك خوفو في المطرية

البعثة الأثرية المصرية الألمانية المشتركة اللي بتشتغل في منطقة المطرية “هيليوبليس” نجحت في اكتشاف كتل حجرية من الجرانيت من عصر الملك خوفو بمعبد الشمس، وأساسات فناء المعبد اللي بيرجع لعصر الدولة الحديثة وعدد من التماثيل والمذابح، وده أثناء استكمال الحفر في الجانب الغربي من المتحف المفتوح بمسلة الملك سنوسرت الأول بالمطرية.

وقال الدكتور أيمن عشماوى رئيس قطاع الآثار المصرية في المجلس الأعلى للآثار ورئيس البعثة من الجانب المصري إن البعثة نجحت في الكشف عن بعض الأدلة على الوجود المبكر للمنطقة دي وده لإنهم كشفوا عن طبقات أثرية كتير بيرجع تاريخها لعصر الأسرة صفر “فترة نقادة الثالثة” ده بالإضافة لطبقات من رديم الفخار، وده بيدل على نشاط ديني وطقسي في الألف الثالث قبل الميلاد في الموقع ده كمان بالإضافة لوجود أدلة بتشير لتواجد كبير خلال عصر الأسرة الثالثة والرابعة لإنهم عثروا على على قطعة من الجرانيت للملك بيبى الأول “2280 ق. م” واللي عليها نقش بالبارز للصقر حورس، وأضاف إن البعثة هتستمر في أعمال الحفر عشان تكشف عن مزيد من الآثار.

وأشار للكشف عن قاعدة تمثال للملك أمازيس أحمس الثاني ده بالإضافة كمان لمذابح كتير من العصر المتأخر واللي كان بيتم تقدم عليها القرابين من العصر المتأخر، وتم الكشف كمان عن أجزاء كتير من  التماثيل على شكل أبو الهول واللي بتعتبر دليل على الاستخدام والتواجد الملكي في المعبد، ده بالإضافة كمان لإضافات كتير من عهد عدد من الملوك من بينهم الملك أمنمحات الثاني، سنوسرت الثالث، أمنمحات الثالث، أمنمحات الخامس، تحتمس الثالث، أمنحتب الثانى والثالث، حور محب، رمسيس الثانى، والملك سيتى الثاني.

ووضح الدكتور “ديترش راو” رئيس البعثة من الجانب الألماني إن البعثة نجحت في الكشف عن أجزاء من النواويس والمذابح من عصر الملوك أمنمحات الرابع، سوبك حتب الرابع، آي، ستي الأول، أوسركون الأول، تكيلوت الأول، وبسماتيك الأول، بالإضافة كمان للكشف عن نموذج نحتي من الكوارتز على شكل أبو الهول للملك أمنحتب الثاني وقاعدة تمثال ضخم لقرد من الجرانيت الوردي من قرود البابون.

وأكد الدكتور مصطفى وزيري الأمين العام للمجلس الأعلى للآثار أهمية الكشف، ولإن دي المرة الأولى اللي يتم فيها الكشف عن وجود آثار من عهد الملك خوفو في منطقة عين شمس، واللي تقريبًا كانت أجزاء من مبنى غير معروف أو تقريبًا اتنقلت من منطقة أهرامات الجيزة عشان يتم استخدمها كمواد بناء في عصر الرعامسة وهي الفترة اللي انتشر فيها استخدام الأحجار من المباني الأقدم تاريخيا.