هل ممكن نتلقى لقاحين كورونا والإنفلونزا في نفس الوقت؟

مع دخول فصل الشتاء  ناس كتير بتخاف تتصاب بأي مرض فيروسي زي الإنفلونزا والأمراض  اللي شبهه خصوصا مع انتشار فيروس كورونا، وحتى بعد ما تم التشديد على أهمية  لقاحات كورونا في المرحلة دي، بعض الخبراء قالوا وشددوا كمان على إنه لازم ناخد بالنا لأهمية الحصول على لقاحات الإنفلونزا المحدثة والوقاية من الإصابات المحتملة.

وبسبب قوة لقاح كورونا وتأثيره على جسم بعض الناس فكان فيه بعض الناس بتشكك في إمكانية إن الشخص ياخد اللقاحين في نفس الوقت، ولكن بعد ما دورنا شوية خلينا نقولك ينفع تاخد اللقاحين في نفس الوقت ولا لا.

دكتور “أنتوني فاوتشي” كبير خبراء الأمراض المعدية في الولايات المتحدة قال من خلال  موقع cnn إن اللي المفروض نعمله هو تلقي اللقاح بأسرع ما يمكن وبأسرع طريقة، وقال عن تلقي اللقاحين في نفس الوقت لو  كان الموضوع ضروي فممكن تتلقى لقاح الانفلونزا في دراع، ولقاح كورونا في الدراع التاني ومافيش مشكلة في ده خالص.

موقع “timesofindia” قال إن بالرغم من حقيقة إن كورونا والإنفلونزا هما من أمراض الجهاز التنفسي واللي أعراضهم بتكون متشابهة فالاعتماد على لقاح كورونا وحده مش قادر إنه ينقذنا من الإنفلونزا والأمراض اللي زيها، في حين أن بعض الإجراءات زي الابتعاد والكمامة قللت الحالات لكن برضه كان فيه ارتفاع حاد في أمراض الإنفلونزا الفيروسية.

وفي بلاد كتير زي أمريكا اللي بتشهد حالات كتير من الإنفلونزا، وكان فيه تدفق حاد في الحالات والحصول على اللقاح مابيمنعش  الشخص من الإصابة ولكن مابيضعفش دفاعات الجسم المناعية للحماية من خطر كورونا وبالعكس بيقويها.

ناس كتير بتعتقد إن لقاح كورونا هيحميهم من الإنفلونزا وده مش صح لإن الموضوع مش مقتصر على إن COVID-19 والإنفلونزا ناجمين عن فيروسين مختلفين، ده كمان لإن كل لقاح فيهم مش معناه الحماية من التاني.

ونظرًا لأن حالات الإنفلونزا بتزيد في الشهور الجاية اللي هو في الشتاء فخبراء كتير قالوا للناس إنهم ياخدوا لقاحات الإنفلونزا وتطعيمات كورونا مع بعض لحماية صحتهم وصحة اللي حولهم.

في الشهور اللي قبل كده كان فيه اعتقاد قوي بضرورة تأجيل أي تطعيم آخر وقت  الحصول على لقاح كورونا لزيادة الأمان يعني لكن الأبحاث والخبراء وضحوا بما فيهم مراكز السيطرة على الأمراض والوقاية منها (CDC)، أنه من الآمن تمامًا وخالي من القلق الحصول على جرعات اللقاح في نفس الوقت تقريبًا، وقالو إن التطعيم المزدوج مش هيؤذي الجسم بأي شكل من الأشكال.

لكن بشكل عام نصحوا بالتباعد بين جرعات اللقاح أسبوعين على الأقل عشان مايحصلش أي ردود فعل مفرطة، ومع ظهور الحاجة (موسم الأمراض)، الخبراء بيقولوا برضه إن الحصول على الجرعتين مع مش هيسبب أي مخاطر محتملة، وهيكون آمن تمامًا.

وبالنسبة للجرعات المعززة من لقاح الإنفلونزا فحلل العلماء آثار إصدار جرعات معززة لكورونا مع لقاحات الإنفلونزا المحدثة، في حين أن الجرعات المعززة بقيت ضرورية للأشخاص اللي بيعانوا من ضعف المناعة، إلا أن الدراسات الجارية لاختبار إذا كان ينفع إصدار اللقاحين سوا قالت إن فيه احتمال أكبر لتحول كورونا إلى فيروس تاني قادر على التسبب في الأوبئة، واحتمالية أعلى لطلب جرعات متكررة مع مرور الوقت.

ده بالإضافة لفوائد تجنب الإنفلونزا الخبراء بيعتقدوا إن التطعيم في الوقت المناسب دلوقتى بيمنع حدوث تفجير محتمل لوباء وقصدهم على كورونا والانفلونزا الاتنين.

بالظبط زي اللي بيحصل مع لقاح كورونا لازم الأشخاص اللي شاكيين في ظهور أعراض زي أعراض COVID-19 أو حاسسين بالمرض في وقت التطعيم، لازم يتجنبوا إنهم ياخدوا اللقاح ويأجلوه.

خصوصا إن التطعيم في الوقت ده ممكن يزود إجهاد جهاز المناعة ويخلي الشخص يعاني من أعراض أسوأ من المتوقع.

وبرضه من الأفضل إنك تسأل الدكتور بتاعك عن إمكانية إنك تاخد اللقاحين سوا وهل ده مناسب ليك أو ممكن يأثر عليك ولا لا!

Related Articles

Back to top button