LEVEL UP: انتقادات لـeFootball وأخبار تانية في الملخص الأسبوعي لأخبار الألعاب
مساء الفل أعزائي الجيمرز، وبالأخص محبي ألعاب كرة القدم لإن النهاردة هنبدأ ملخصنا عن الألعاب، بلعبة “eFootball” اللي تم طرحها في الساعات اللي فاتت ولكنها صدمت الجميع، اللعبة كانت منتظرة من فترة طويلة جدا ولكنها أخدت تقييمات سلبية كتير سواء كان بسبب الجرافيك السيء أو طريقة اللعب اللي بعض اللاعبين وصفوها بإنها قديمة وشكلها غريب.
I once said a few weeks back that #eFootball2022 was a ‘competitor’ to FIFA, after seeing some of the stuff today, I would like to apologise. I was naive, wrong and deluded.
My nephew could design better graphics than what we’ve seen today 😂 pic.twitter.com/SSSRwXGMWo
— FIFA Analyst | Pro FIFA Coach | SAF_gg (@TheFIFAAnalyst) September 30, 2021
على موقع “steam”، اللعبة حصلت على تقييمات سلبية كبيرة جدا في ساعات قليلة من 5921 مستخدم في اللحظة اللي تم نشر الموضوع فيها، 8% من عدد المستخدمين دول كانت آرائهم إيجابية عن اللعبة.
What even is this video game? We are in 2021… #eFootball2022 pic.twitter.com/B3zOS921au
— Markus Kilzheimer (@EliteOwNage12) September 30, 2021
ده هيجي في صالح الجزء الجديد من “FIFA” اللي المفروض هيتم طرحه في شهر أكتوبر 2021 وممكن يخلي عدد من لاعبين “PES” يتجهوا لفيفا.
lol downloaded #eFootball2022 this morning and found out eveything I needed to know in the first 5mins of the first game. RIP Pro Evo, you were beautiful once upon a time 🙁 #ps5share pic.twitter.com/NiQrf0JaOo
— bruton gaster (@vonmuff) September 30, 2021
واستكمالا لألعاب كرة القدم، شركة “EA” أعلنت إزالة اللاعب بنجامين ميندي، لاعب مانشستر سيتي والمنتخب الفرنسي من اللعبة، بسبب اتهامه في 4 قضايا اغتصاب وتحرش جنسي.
والنادي نفسه أعلن إيقاف اللاعب في شهر أغسطس الماضي لحد ما تخلص القضية.
شركة “Sony” أعلنت عن قائمة الألعاب المجانية اللي هتيجي لمشتركي خدمة “PS Plus” في شهر أكتوبر الجاي، وهتبقى متاحة من 5 أكتوبر لبداية نوفمبر 2021
بالنسبة لـPS5: هتتوفر لعبة “Hell Let Loose”
أما بالنسبة لـPS4: لعبة “Mortal Kombat X”، ولعبة “PGA Tour 2K21”
اتكلمنا قبل كدة عن اهتمام نتفليكس إنها تدخل مجال الألعاب، في الفترة اللي فاتت كانت أضافت عدد قليل من الألعاب على تطبيقها وكانت متوفرة لعدد معين من دول العالم وعلى الموبايلات الأندرويد، ومن عدة أيام أضافت 3 ألعاب جديدة وهما: “Teeter Up” و “Card Blast” و “Shooting Hoops” واللي متوفرين في إسبانيا وإيطاليا وبولندا وحصريا للموبايلات اللي بتشتغل بنظام أندرويد، وده بيجي في إطار تجربة نتفليكس لمشروعها الجديد.
كنا نشرنا من أسبوع، خبر تأجيل لعبة “Battlefield 2042” لشهر نوفمبر بدلا من شهر أكتوبر، ولكن هيكون في فرصة لتجربة اللعبة عن طريق نسخة بيتا هيتم طرحها في شهر أكتوبر الجاي.
الموضوع هينقسم لشقين، الأول هيتم طرحها من 6 لـ7 أكتوبر للاعبين اللي طلبوا اللعبة بشكل مسبق وهتتوفر بشكل كامل للجميع من 8 لـ9 أكتوبر.
والجديد برضه، إن النسخة البيتا لأجهزة بلايستيشن مش هتحتاج لاشتراك “PS Plus”، ولكن لأجهزة الإكس بوكس هتحتاج اشتراك “Xbox Live Gold”.
ونحب نفكركم إن اللعبة هيتم طرحها بشكل رسمي في 19 نوفمبر 2021 لجميع الأجهزة سواء المنزلية أو الحاسب الشخصي.
Look for the light @HBO #TLOUDay pic.twitter.com/fl5ZCP7MG7
— Naughty Dog (@Naughty_Dog) September 27, 2021
أخبار جديدة ومشوقة هيحبها لاعبي “The Last of Us”، شركة “HBO” كانت أعلنت من فترة عن تحويل اللعبة لمسلسل تلفزيوني من بطولة “بيدرو باسكال” اللي هيلعب دور “جويل” والممثلة “بيلا رمزاي” هتلعب دور “إيلي”، وبالمناسبة.. الاتنين من أبطال المسلسل المعروف “Game Of Thrones”.
الجميل، إن شركة “Naughty Dog” نشرت على حسابها عبر تويتر، أول صورة من المسلسل ولكن للأسف من غير تفاصيل أكتر، نتمنى إننا نشوف أول فيديو دعائي للمسلسل على نهاية أو بداية السنة.
