في يوم قوات حفظ السلام.. اعرف إيه هي ودور مصر فيها!

في الدول اللي فيها صراعات كتير بنسمع دايما إن الأمم المتحدة وقوات حفظ السلام اتدخلت عشان تحقق السلام في الدول دي.. وعمليات حفظ السلام في وقتنا ده مش معناها السلام والأمن بس لكن هي مرنة عن كده وبقى ليها أشكال كتير من ضمنهم تسهيل العملية السياسية وحماية المدنيين والمساعدة في نزع سلاح المحاربين السابقين وتسريحهم وإعادة دمجهم وتقديم الدعم لتنظيم الانتخابات وحماية حقوق الإنسان والمساعدة في استعادة سيادة القانون.

عمليات الأمم المتحدة لحفظ السلام عندها 3 مبادئ أساسية وهم:

1- موافقة الأطراف

2- الحياد.

3- عدم استعمال القوة إلا دفاعاُ عن النفس ودفاعاُ عن الولاية

من سنة 1948 خدم أكتر من مليون راجل وست في الأمم المتحدة، وممكن تبقى قوات حفظ السلام من مدنيين وعسكريين وشرطة أفراد وبيكون الجنود من دول مختلفة كتير وهما الدول الأعضاء.. ويوم 29 مايو هو اليوم العالمي لقوات حفظ السلام وده تكريمًا لحفظة السلام اللي فقدوا حياتهم في سبيل القضية واللي عددهم 3500 شخص تقريبًا واللي كان منهم 117 بس في 2016.

وتعتبر مصر من أكبر الدول اللي بتساهم بقوات في بعثات الأمم المتحدة لحفظ السلام فهي من ضمن الدول الـ 10 الأولى الأكتر إسهاماً فى قوات حفظ السلام على مستوى العالم، والأولى عربياً.. مصر بتشارك  حالياً بحوالى 3000 فرد في البعثات الأممية المنتشرة في دول بأفريقيا.. وفيه 28 شهيد مصري من قوات مصر في عمليات حفظ السلام فقدوا حياتهم فى سبيل حفظ السلام

وكانت أول مساهمة مصرية في قوات حفظ السلام للأمم المتحدة سنة ١٩٦٠ في الكونغو ومن وقتها ساهمت مصر فى ٣٧ بعثات لحفظ السلام  بالأمم المتحدة بمشاركة أكثر 30 ألف فرد من القوات المصرية في البعثات الأممية لقوات حفظ السلام المنتشرة في أفريقيا وآسيا وأمريكا اللاتينية وأوروبا.. وأعلنت  إدارة عمليات حفظ السلام  التابعة للأمم المتحدة  فى 5 أغسطس 2017 إن مصر في المرتبة التالتة عالمياً من الدول الكبرى المساهمة بقوات شرطية في الفترة دي، وعدد القوات المشاركة 729 ظابط وفرد شرطة في كذا بلد.

وبتساهم مصر بقوات في بعثات حفظ السلام التابعة للأُمم المُتحدة حاليا في مالي والكونغو الديمقراطية وأفريقيا الوسطى والصحراء الغربية والبعثة الهجين في دارفور.. ودي نماذج للمشاركات المصرية فى قوات حفظ السلام : 

1- الكونغو 1960

2- سراييفو إبان الحرب الأهلية في التسعينيات.

3- كوت ديفوار لمساعدة الأطراف الإيفوارية على تنفيذ اتفاق السلام الموقع بينهم في يناير 2003 وإنهاء الحرب الأهلية

• 4- الكونغو أثناء فترة الحرب الأهلية خلال الفترة من 1960 لـ 1961 

5- الصومال  في الفترة من ديسمبر 1992 لـفبراير 1995 

6- أفريقيا الوسطى في الفترة من يونيو 1998 لـ مارس 2000 

7- أنغولا  فى الفترة من 1991 لـ 1999 

8- موزمبيق في الفترة بين فبراير 1993 لـ يونيو 1995

9- ليبيريا فى الفترة من ديسمبر 1993 لـ سبتمبر 1997

10- رواندا

11- جزر القمر فى الفترة بين 1997 لـ 1999

12- سيراليون 

13- الكونغو الديمقراطية 

14-  ليبيريا 

15- بوروندي