في يومها العالمي.. كل اللي محتاج تعرفه عن متلازمة داون!

صفات الجنين وشكله بيحدههم مجموعة معينة من الجينات اللي بيورثها من أبوه وأمه.. وفي الطبيعي اللي بيكون شكل الجنين 23 كروموسوم من هنا و 23 من هنا بجموع 46 كروموسوم.. لكن جنين من كل 1000 بيتكرر عنده الكروموسوم “رقم 21”  وبكده مجموع الكروموسومات يبقى 47 .. والنتيجة طفل عنده متلازمة داون.. وده وفقًا لمنظمة الأمم المتحدة اللي اعتمدت يوم 21 مارس من كل سنة هو يوم للإحتفال بمصابي متلازمة داون والتوعية اللازمة ليهم كالآتي:

• المعلومات المتعلقة بيهم:

– ممكن اكتشافه في الأشهر الثلاثة الأولى من الحمل من تحليل الحمض النووي للجنين الموجود في دم الأم

– في حالة إصابة أحد الوالدين فيكون الجنين معرض للإصابة بمتلازمة داون

– الأطفال المصابين بمتلازمة داون ليهم صفات جسدية متشابهة زي شكل الوجه المسطح وانحناء العينين لأعلى وآذان صغيرة، ولسان يميل إلى البروز

– وبيعانوا من مشاكل في القلب والجهاز الهضمي.. لكن التدخل والرعاية المبكرة  بيقللوا من المخاطر الصحية دي

– وبيعانوا كمان من صعوبة في النطق والحركة.. لكن التدرب على النطق والعلاج الطبيعي بيعالج ده

– وتأخر في النمو العقلي وبطئ في التعلم

• وبيشرح موقع WEB MD شكل التعامل معاهم:

– ماتحسسهوش إنه عنده مشكلة عشان مايقللش ثقته في نفسه

– تحديد الحاجات اللي بيحبها المصاب والتعامل معاه على أساسها

– مساعدته ودمجه في المجتمع عشان يكتسب خبرات

– ماتستعملش كلمة تجرح مشاعره أو تتنمر عليه

– الاهتمام بيه وتنمية مهاراته وتشجيعه أنه يتطور

– الصبر في التعامل معاهم وماتتسرعش في حكمك على أفعالهم

– استبدل كلمة “انت غلط” بـ “حاول مرة تانية”

• ووفقًا لموقع Insider مصابي متلازمة داون عندهم إرادة قوية إنهم يتعلموا و يطوروا من نفسهم وينجحوا في مجالات مختلفة زي:

– مادلين ستيوارت تعتبر أول عارضة أزياء محترفة من متلازمة داون

– سوجيت ديساي موسيقي محترف بيعزف على 7 آلات موسيقية  

– إيزابيلا سبرينجمول تيجادا هي أول مصممة أزياء مصابة بمتلازمة داون تعرض أعمالها في أسبوع الموضة بلندن

– تيم هاريس رياضي فاز بالميدالية الذهبية في الأولمبياد الخاص

– تومي جيسوب هو أول ممثل مصاب بمتلازمة داون يلعب دور البطولة في دراما بي بي سي

– زاك جوتساجين أو مقدم لحفل توزيع جوائز الأوسكار من متلازمة داون


• وعلى المستوى المصري:

– مريم وجيه حصلت على 40 ميدالية فى السباحة

– سلمى علاء فازت بالذهبية في الكاراتيه

– رحمة خالد مذيعة ومقمة برامج