موضوع مايهمكش: أغرب تريندات الموضة في 2025

كل سنة بيظهر أفكار جديدة في اللبس والموضة وأحيانًا الأفكار دي بتكون غريبة.. وأوقات كتير كل ماتكون الموضة غريبة بتتحول لتريند

وخلينا متفقين إن مش كل ماهو غريب سيء لكن Trend wave عند الغرب أوقات كتير لما بيتقلد عندنا بيعدي مرحلة الأسوأ بشوية والأمر ده نسبي طبعََا حسب اختلاف الأراء والأذواق لكن خلونا نبدأ بآخر نموذج غريب ظهر في موضة 2025 

1- Asymmetric Lace Slip Dress

ظهر أساسًا في عروض الأزياء العالمية (Runways) خصوصًا ضمن صيحة Lingerie-Inspired Fashion أو الملابس المستوحاة من اللانجري

عليه تعليقات سلبية والجمهور شاف إنه تصميم معمول باستسهال شديد وخالي من أي إبداع

إلا إنه ظهر مؤثرات في الموضة من محجبات في الوطن العربي بدأوا ينسقوه في لبسهم في محاولة منهم لجعله قابل للتنسيق على لبس المحجبات! 

2- Women’s Fishnet Full Face Mask

القناع الشبكي اللي بيغطي كامل الوش ده بقى من أحدث صيحات الموضة دلوقتي.. وبييجي من تأثير الـ Y2K والستايل الجرئ في الشارع.. أول ماظهر كان في عروض الأزياء التجريبية وفجأة انتقل للسوشيال ميديا خصوصًا تيكتوك وإنستجرام كإكسسوار بيكمل الـ”لوك” مش مجرد قطعة بتغطي الوش.. وفيه منها رجالي وحريمي وطبعًا معدتش من تحت إيد البلوجرز العرب دي

3- Statement Arm Jewelry

موضة لبس الأساور فوق الأكمام.. كانت واحدة من أهم صيحات اكسسوارات 2025 في العالم ظهروا بشكل واضح في عروض كبار المصممين زي

“Saint Laurent.. Balmain.. Chanel.. Gucci”وغيرها British Vogue+1

الموضة اتجهت بعيد عن البسيط جدًا، وبدأت تركز على القطع القوية اللي بتشد العين من بعيد.. ده اللي خلى البنات في الوطن العربي سواء محجبات أو غير محجبات يشوفوا القطعة دي في الحياة اليومية ويتبنّوها كبديل لإكسسوارات بسيطة

4- Clogs

ده حذاء تقيل ومريح، شكله كلاسيكي شويّة لكنه تريندي دلوقتي.. ومؤخرًا الماركات العالمية ابتدت تاخد الكلوجز التقليدية وتعدلها.. يعني تزودها خامات جلد.. ألوان غريبة.. نعل أكبر وتفاصيل تانية.. أول ما الـ influencers على Instagram و TikTok بدأوا يلبسوهم في فيديوهات ستريت ستايل.. الناس بدأت تشوفها حاجة روشة وغير معتادة في اللبس.. وناس تانية شايفة انه مايختلفش عن الكروكس في الشكل كتير

5- Transparent Trench Coats

ده مرحلة متطورة من الترنش كوت.. هو هو لكن شفاف ييدفي ويزحلق المطر لكن يظهر الهدوم اللي تحته.. مصنوع من خامة شفافة غالبًا PVC أو بلاستيك شفاف.. الفاشنيستا اعتبروا شكلها مستقبلي وفانتازي.. وده مناسب لصيحات 2025 اللي بتركز على القطع الغريبة والملفتة

6- Asymmetrical Sunglasses

كل جانب من النضارة دي مختلف عن التاني.. شكل العدسة.. حجمها أو تصميم الإطار.. بدأت تظهر في عروض أزياء high fashion.. زي Prada و Balenciaga ومع الوقت دخلت في ستريت ستايل و Instagram trends.. وصل الترند عن طريق السوشيال ميديا والفاشنيستا العرب والبنات بدأت تستخدمها في جلسات التصوير

7- cow inspired outfit

موضة مستوحاه من البقر وأشهر المصممين اللي استخدموه

“Coach.. Prada.. Dolce & Gabbana” وهو مش ستايل جديد في عالم الموضة عند الستات.. لكن أصبح في 2025 موضة جديدة عند الرجالة
ورغم إن كتير من مشاهير العرب ومؤثرينه لبسوه لكن كان صعب على المجتمع العربي تقبله والرجالة معرفوش يشوفوه ستايل عادي عندهم