إيه هي حقيقة أنوار السماء الزرقاء؟ وهل حصلت قبل كده؟
امبارح ضرب زلزال منطقة هاتاي في تركيا بقوة 6.4 درجات بمقياس ريختر وتسبب في خسائر بشرية بين إصابات ووفيات جديدة وأثر كمان على فلسطين وسوريا ولبنان وشعر به سكان القاهرة الكبرى والإسكندرية.. لكن بعد الزلزال انتشرت صور إن فيه لون أزرق في سماء إسكندرية وشوفنا برضه تفسيرات كتير بين إنها حفلة أو لون له علاقة بالزلزال…
وانتشر فيديو متصور من تركيا برضه وقت الزلزال وكان فيه ضوء أزرق في السما
هل هناك تفسير لهذه الأضواء التي رافقت الزلزال مساء هذا اليوم؟ pic.twitter.com/6cyXkLwPcD
— الرادع التركي 🇹🇷 (@RD_turk) February 20, 2023
وفيه فرضية بتفسر ده إنه نتيجة احتكاك بعض الصخور في القشرة الأرضية زي البازلت والجابرو وقت الزلزال بتنشط شحنات كهربية وبتظهر في طبقات الغلاف الجوي في أشكال مختلفة بألوان زرقاء وخضراء تعرف باسم “أضواء الزلازل”
وده بحسب انترفيو لـ فريدمان فرويند، أستاذ الفيزياء المساعد في جامعة ولاية سان خوسيه وباحث تابع لناسا مع مجلة ناشيونال جيوجرافيك في 2014
وأكد الكلام ده مقال في موقع
وحصلت نفس الظاهرة دي أثناء زلازل سابقة:
– سنة 1968 ظهرت أثناء زلزال اليابان
– سنة 1988 ظهرت كرة أرضية زرقاء في السماء قريبة من مدينة كيبك في كندا
– سنة 1906 قبل 11 يوم من وقوع زلزال قوي في شمال غرب سان فرانسيسكو
– سنة 2007 ظهرت أثناء زلزال بيسكو في بيرو
– سنة 2009 قبل ثواني من زلزال لاكويلا الإيطالي ظهرت فوق شارع فرانشيسكو كريسبي
وده بناء على كلام فريدمان فرويند وزملائه لما درسوا تاريخ الزلازل في الورقة البحثية اللي منشورة هنا
لكن بعض العلماء في هيئة المسح الجيولوجي الأميركية مش متأكدين من فرضية فرويند ومش شايفين سبب حقيقي يفس ظاهرة “أضواء الزلازل”
في النهاية نتمنى الأمن والسلامة لكل الناس وتعازينا لضحايا الزلازل وتمنياتنا للمصابين بالشفاء
