15 نصيحة عشان نحافظ على الأطفال في المصيف
بما إننا دخلنا الصيف والجو حر.. إذًا ده وقت المثالي للمصيف.. عشان نفك عن نفسنا ونقضي يومين حلوين بعيد عن ضغوط الحياة.. وعشان نستمتع بالأجازة والمصيف.. هنقولكم شوية نصائح لو معاكم أطفال
نصائح لو الطفل رضيع وأول مرة يسافر معاكم
- قبل السفر.. الطفل محتاج يزور الدكتور عشان يطمن إنه مش عيان وفي كامل صحته تجنبًا وناخد الأدوية والإسعافات الأولية تجنبًا للمفاجآت في المصيف
- الافضل يروح الطفل للبحر الصبح بدري أو بعد الظهر عشان الشمس تكون أهدى
- ناخد قبعة أو طاقية ضرورية جدا وكريم مناسب يرشحه الدكتور
عشان أشعة الشمس بتضر بشرة الطفل الحساسة
- ناخد وجبات لبن صناعي أو ساتر الرضاعة لو طبيعية.. ولو الطفل بدأ ياكل نجهزله وجبات خفيفة معانا
- ناخد حفاضات عادية معانا وحفاض أو مايو خاص بالسباحة.. ولبس خفيف يقضي بيه المصيف وناخد طقمين أتقل لو الجو برد بالليل وعشان التكييف
- يفضل ماناخدش عربية الطفل “السترولر” عشان مش هتمشي على الرملة
- لو أول مرة له في البحر.. بلاش سباحة في مكان زحمة عشان مايخافش ويبقى عصبي في الموقف اللي بيعيشه لأول مرة
- سوا في حمام السباحة أو البحر.. نبل رجل الطفل الأول ولو استجاب نبل باقي جسمه لو حس بالأمان ونلعب معاه عشان نخلي تجربته الأولى حلوة.. ويكون كل ده على الشاطئ ونمسكه كويس عشان الموج
- وعكس الشخص البالغ.. الموضوع مايتعداش الدقائق ولو حسب بالبرد نخرجه وننشف كويس
- ولما يخلص ياخدش دوش عشان ينزل الملح والرمل من جسمه.. ولو الخدمة دي مش موجود.. نعمل ده بزجاجة مياة كبيرة نكون واخدينها
نصائح لو طفل أكبر شوية
- نراقب الطفل وهو بيلعب ونكون معاه وهو بيعوم.. حتى لو كان
في مكان آمن ده هيخليه مطمن وإحنا كمان مطمنين عليه
- نعلم الطفل قواعد بسيطة زي إنه مايقربش للناس الغريبة ومايروحش معاهم حتة لوحده ولا يقولهم معلومات شخصية.. ولا يبعد عننا
- نتفق مع الطفل.. في حالة توهنا من بعض نتقابل عند نقطة معينة زي مكتب الأمن مثلا ونعرف اسم المكان او المنطقة اللي نازلين فيها وإزاي يطلب المساعدة
- اختيار وقت أو مكان مايكونوش زحمة تجنبًا للتوهان أو وقوع أي حادثة
- نعرف أماكن وجود فرق الأمن والإنقاذ في منطقة المصيف أو على الشاطئ وإزاي نتواصل معاهم في حالات الطوارئ
