إيه حكاية المظلة الشمسية اللي هتحمي الأرض من الشمس وهتعدل المناخ؟
![](https://theglocal.com/wp-content/uploads/2023/08/المظلة.png)
- علماء في جامعة هاواي قدموا ورقة بحثية واقترحوا فيها إنشاء مظلة تحمي كوكب الأرض من أشعة الشمس واسمها “درع الشمس”
- والدرع هيغطي الأرض كلها.. وهيتكون من جزئين.. جزء هيتم إطلاقه من الأرض مصنوع من مادة الجرافين بوزن 35000 طن وبيمثل 1% من الكتلة الكلية..
- والجزء التاني متوصل بيه وعبارة عن كويكبات أو غبار قمري هيمثل 99% من الكتلة المتبقية
وهيكون الجزء ده اتجاه الشمس عشان يعادل الجاذبية ويحافظ على ثبات الدرع فوق الأرض - وبيستهدف المشروع تغيير المناخ وتقليل تعرض الأرض لأشعة الشمس..
من خلال عكس شعاع الشمس في اتجاه الفضاء بنسبة 1.7% ودي كفيلة تغير في درجات الحرارة - وبيقول العلماء أن المشروع هيقابل عقبة وهي امكانية ربط جزئين الدرع بحبال قوية بمواصفات تخليها تتحمل شعاع الشمس وظروف الفضاء
- والجدير بالذكر إن فيه فكرة مشابهة اتقدمت في وقت سابق.. ولكن الامكانيات التكنولوجية والمادية وقتها ماسمحتش باستكمال الفكرة
وعشان تعرف أكتر عن الموضوع ممكن تقرأ شرح علمي ومفصل من خلال اللينك ده واللينك ده