خناقة آبل وإيبك مستمرة وهاكرز في Vanguard.. ملخص أخبار الجيمز خلال أسبوع
![](https://theglocal.com/wp-content/uploads/2021/09/77.png)
خلال الأسبوع الحالي حصلت حاجات جديدة ومهمة في عالم الفيديو جيمز، كان من أهمها النسخة البيتا من “Call of Duty: Vanguard” واللي ظهر فيها عدد كبير من الهاكرز.
ولكن عدد من اللاعبين اكتشفوا إن الأشخاص اللي تم حظر حساباتهم في لعبة “Call of Duty: Warzone”، كانت حساباتهم محظورة برضه من تجربة النسخة البيتا للعبة “Call of Duty: Vanguard” وده يعني إن لو الحساب أو الجهاز أخد حظر مش هتقدر تلعب اللعبة، وده طبعا هيكون أفضل بكتير عشان لو اللاعبين اللي بيستخدموا برامج الغش قرروا يكملوا في السكة دي في الجزء الجديد من “Call of Duty”.. مش هيعرفوا ودي حركة ذكية من شركة “Activision” لإن الفترة الأخيرة، اللاعبين كانوا متضايقين من اللعبة وعدد من الاستريمز امتنعوا عنها واتجهوا لألعاب تانية بسبب كتر الهاكرز.
If you are currently banned in Call of Duty: Warzone – including hardware or account banned – you are banned from playing Call of Duty: Vanguard.
For those in the cheats Discords/forums etc. asking why, I think it’s pretty obvious why. But thought I’d let you know.
— CharlieIntel (@charlieINTEL) September 16, 2021
واستكمالا لـCall of Duty والأخبار عنها، أحد لاعبين Warzone بعد ما زهق من عدد الهاكرز الكبير في اللعبة وإن الشركة مش بتبذل أي مجهود لمنع الغش في اللعبة، قرر إنه يصنع لعبة خاصة بيه بنفس شكل Warzone، ونزل فيديو على موقع “يوتيوب” بيشرح فيه مراحل صنعه للعبة
وبعيدا عنها.. لعبة PES واللي تم تغيير اسمها لـeFootball هتتوفر بشكل مجاني في 30 سبتمبر الحالي زي ما كلنا عارفين، ولكن الجديد هو الاعلان عن متطلبات تشغيلها بخصوص أجهزة الكمبيوتر.
ودي مواصفات اللعبة واللي بتنقسم للمواصفات الأدنى أو المواصفات اللي موصي بيها عشان تشغل اللعبة بأفضل شكل وأداء حسب موقع “Steam”:
المواصفات الأدنى:
Requires a 64-bit processor and operating system
OS: Windows 10 – 64bit
Processor: Intel Core i5-2300, / AMD FX-4350
Memory: 8 GB RAM
Graphics: GeForce GTX 660 Ti / Radeon HD 7790
Network: Broadband Internet connection
Storage: 50 GB available space
المواصفات الموصى بها:
Requires a 64-bit processor and operating system
OS: Windows 10 – 64bit
Processor: Intel Core i5-7600 / AMD Ryzen 5 1600
Memory: 8 GB RAM
Graphics: GeForce GTX 1060 / AMD Radeon RX 590
Network: Broadband Internet connection
Storage: 50 GB available space
فريق “CD Projekt Red” اللي طوروا لعبة “Cyberpunk 2077” و “The Witcher 3” بيدوروا حاليا على مصمم يشتغل على لعبة عالم مفتوح، وفي وصف الوظيفة كان مكتوب: “يكون قادر على ملء اللعبة بمحتوى قابل للتصديق وفي عدة مجتمعات وأحداث هيواجهها اللاعبين”.
مش معروف بشكل رسمي إيه اللعبة اللي ممكن يكون بيتحضر لها ولكن التوقعات كانت عن جزء جديد من “The Witcher”، أو تطوير وتوسعة للعبة “Cyberpunk 2077” لأجهزة الجيل الجديد.
عموما مفيش حاجة بتستخبى كتير، هنعرف بشكل أو بأخر خلال الفترة الجاية.
نروح لخناقة “آبل” و “فورتنايت”، آبل قالت لشركة “إيبك” إن لعبة “فورتنايت” هتكون على القائمة السوداء لنظام تطبيق “أب ستور” لحد ما أبل تستنفذ كل درجات التقاضي واللي ممكن تستمر لـ5 سنين، يعني ممكن مانشوفش لعبة فورتنايت على الآب ستور لمدة 5 سنين، و”آبل” هتستنى المحكمة تصدر حكم نهائي غير قابل للطعن في القضية.
طيب الخناقة دي بدأت إزاي؟ من سنة “آبل” مسحت “فورتنايت” من الـ”آب ستور” بسبب قيام “إيبك” بالاحتيال على نظام الـ”ستور” واللي بيضمن لـ”أبل” إنها تاخد عمولة على الإيرادات اللي بتحققها “إيبك” من لعبة “فورتنايت”، ومن ساعتها دخلوا في الخناقة دي بقالهم سنة وشهر.
موقع “Buzz Bingo” عمل دراسة غريبة شوية ولكنها ممتعة، عن أكتر 15 لعبة بتخلي اللاعبين يشتموا، واللي من خلالها شافوا 100 فيديو بإجمالي 25 ساعة عشان يقدروا يطلعوا بنتائج الدراسة واللي ممكن تفاجئ عدد كبير من الجيمرز.. تقدر تشوف الدراسة كاملة من هنا