القصة الكاملة لانفجار ليفربول.. الشرطة البريطانية وصفته إنه حادث إرهابي 

شرطة لندن أعلنت النهاردة الاتنين 15 نوفمبر 2021 إن حصل انفجار وكان خارج مستشفى في ليفربول، وقالت الشرطة إن الحدث إرهابي، وقالوا إنهم بيعتقدوا إن الانفجار حصل بسبب راجل كان شايل عبوة ناسفة وكانت وحطها في تاكسي.

والظباط قالوا إنهم بيعتقدوا إن السبب هو راكب دخل العربية بعبوة ناسفة انفجرت فجأة. وتوفي المشتبه به في الانفجار، لكن سائق التاكسي قدر يهرب. وقبضت الشرطة على 4 رجالة، كلهم في عمر في العشرينات وبتعتقدوا إنهم عارفين هوية المشتبه به.

وقال مساعد قائد الشرطة في مكافحة الإرهاب في الشمال الغربي “روس جاكسون” في مؤتمر صحفي النهاردة الاتنين 15 نوفمبر إن التحقيقات بتشير إن تم تصنيع عبوة ناسفة، وبيفترضوا لحد دلوقتي إن العبوة من صنع الراكب اللي كان في التاكسي.

ورئيس الوزراء البريطاني “بوريس جونسون” أشاد بسواق التاكسي لإنه منع وقوع انفجار أكبر إنه يحصل، ” وقال إنه تم تصنيف الانفجار على إنه حادث إرهابي ولسه شرطة مكافحة الإرهاب مستمرة في التحقيق.

وقال الحساب الرسمي لشرطة مدينة مانشستر الكبرى على تويتر إنهم قبضوا على مشتبه به 4 في منطقة “كينسيجتون” في ليفربول، وقالوا إن تم استجوابه على خلفية الحادثة.

وقالت عمدة ليفربول “جوان أندرسون” لراديو BBC4 إن سواق التاكسي نجح في جهوده البطولية، في تحويل مسار كارثة كبيرة كانت ممكن تحصل في المستشفى.

وقالت الشرطة إن الدافع ورا الحادثة كان غير واضح ومافيش أي تأكيد لحد دلوقتي إن المستشفى كانت الهدف.

وكملت عمدة ليفربول جاكسون وقالت إن الشرطة كانت هتعمل حدث لإحياء ذكرى قتلى الحرب في بريطانيا بس مش رابطينه بالانفجار

وظهرت لقطات من كاميرات المراقبة إن التاكسي مشي براحة لحد ما وقف في ساحة انتظار السيارات في المستشفى، وده قبل ما الانفجار ما يحصل، وظهر في الفيديو راجل بيجري من العربية قبل الانفجار بثواني، وقالت إن سواق التاكسي اتصرف بحضور مذهل وشجاعة.

الجدير بالذكر إن الانفجار حصل قبل الساعة 11 الصبح في يوم بيحتفل فيه البريطانيون بذكرى الأشخاص اللي اتقتلوا في الحروب.