6 طرق يساعدوك تختار بطيخة حلوة ومسكرة

الجو بقى أون فاير حرفيًا ومحدش طايق نفسه من الحر.. بس زي ما الصيف ليه عيوب.. مفيش حاجة بتهون الحرارة دي علينا غير فاكهته اللي منها البطيخ.. وعشان تقدر تتبسط ببطيخة مسكرة ومش قرعة.. هنقولك على كام نصيحة تخليك تختار بيها بطيخة مرملة وحلوة حسب WikiHow وYahoo

1- الشكل: 

البطيخة الحلوة شكلها متناسق مع بعضه.. فمايبقاش فيها خدوش ولا نتوءات.. عشان كده بتبقى خدت كفايتها من الشمس والمياه فبيبقى طعمها مسكر.. والشكل المستدير أحسن من البيضاوي بيبقى مسكر أكتر

2- الوزن:

امسك البطيخة وقارن تقلها بالنسبة لحجمها.. عشان البطيخة التقيلة بتبقى مليانة مياه ونضجت على الآخر.. وبرضه قارن بطيختك ببطيخة تانية بنفس الحجم.. الأتقل خدها 

3- البقعة الصفراء:

دور على بقعة صفراء في البقعة الصفراء من البطيخة.. عشان هي علامة على إن البطيخة ناضجة واتعرضت حلو للشمس.. وكل ما كانت أغمق كل ما كانت أحلى وأحلى.. عشان لو كانت بيضاء وفاتحة فهي كده اتقطفت قبل أوانها 

4- اللون:

لازم يبقى لونها باهت وغامق جدًا.. وسيبك من اللي بتلمع مابتبقاش مسكرة

5- الصوت:

خبط على البطيخة بإيد.. اللي صوتها عميق وأجوف اشتريها

6- القشرة:

لازم تبقى متينة وصلبة.. عشان الطرية دي مابتكونش استوت لسه

أظن بقى بعد الكام تركاية دول تبقى خبير بطيخ وماتسيبش البياع هو اللي يختارلك.. وبالهنا عليك يا عم ورطب على نفسك في الحر ده!